Haur eta nerabeentzako udako aisialdi eskaintza aurkeztu zuten atzo

 Atzokoan Bergarako Udalak udararako diseinatu duen eskaintza programa aurkeztu zuen. Aurten, lehen aldiz, haur eta nerabeentzako eskaintza guztia bateratu egin da eta, era horretan, herritarrek udako hilabeteetan izango dituzten aukera guztiak ezagutu ahal izango dituzte.

Eskuorria prestatu da eta datozen egunetan eskola guztietan banatuko da ikasleek etxeetara eramateko.

Oro har, eskaintza 4 multzotan banatzen da:

1. Kanpamentu teknologikoak

2. Bibliopiszina

3. Udaleku irekiak

4. Udako kirol ekintzak

 

Groenlotik etorritako Mariaren Lagundiako elkartrukeko ikasleei ongietorria eman die Udalak

Bergarako Udalaren eta bergaratar guztien izenean ongietorria eman zien Elena Lete alkateak Groenlotik (Herbehereak) etorritako 33 ikasle eta 2 irakasleei.

Aurten, 7. urtez jarraian Bergara eta Groenloko ikastetxeen arteko elkartrukea egingo da eta aurrerantzean ere horrela jarraitzea espero zuela adierazi zuen alkateak.

Oxirondo Aisialdi Guneko irekitzea

Ostiralean, otsailak 27, 18:00tik aurrera Oxirondoko Aisialdi Gunea inauguratuko da.

Azoka Bergaratzen egitasmoaren baitan, aisialdi gunearen inguruko hausnarketa burutu zen eta bertan herriko hezitzaile eta gurasoek hainbat bileretan parte hartu zuten. Hausnarketa honen ondorio nagusia gune honek bi espazio bereizita eduki behar zituela izan zen: batetik, ludoteka eta, bestetik, gune librea. Lehenengoan, hezitzaileekin aisialdi gidatua eskainiko da eta gune librean, aldiz, haurrek eta gurasoek elkarrekin espazioa konpartitzeko aukera izango dute.  

Orriak