Albisteak

Elikadura Jasangarria aztergai eskoletan Eskolako Agenda 21 egitasmoaren baitan

-k Og, 2015-02-05 11:23-n bidalia

Bergarako eskoletako ikasleek 2014/2015 ikasturtean zehar ere, Eskolako Agenda 21 proiektuan murgilduta dabiltza iazko ikasturtean bezalaxe Elikadura Jasangarria ikuspegi ezberdinetatik aztertuz. 
 
Hala, landa eremuaren garrantzian oinarrituz, bertako ekoizpenaren eta kontsumoaren nondik norakoak aztertuko dira aurten. Horrez gain, herriko azoka ezagutu eta biziberritzeko lan berezia egingo da. Horrenbestez, ikasturtea hasi denetik egindakoen berri emateaz gain, neguan zehar osatuko den ibilbidearen aurreikuspena jasotzen da atxikitutako dokumetuan. 
  • Partekatu:

Gaztelekuarekin eskiatzera, xabalote!

-k Az, 2015-01-21 13:47-n bidalia

Urtero lez, Bergarako Gaztelekuak eskiatzera irteera antolatu du Otsailak 28rako. Interesatuta egonez gero, otsailak 23a baino lehen eman izena Gaztelekuan edo Jardun Elkarteko bulegoan (liburutegi azpian). Joan-etorria egun berean egingo da eta prezioak ondorengoak dira: 24€ (irteera eta forfaita), 37€ (irteera, forfaita eta eskiak) edo 42€ (irteera, forfaita eta snow-a).

 

  • Partekatu:

Hizkuntza Taldeak ( Online izena emate orria)

-k Og, 2014-09-11 08:44-n bidalia

HIZKUNTZA TALDEAK: BERGARA

 

 

HELBURUA

Bergaran hizkuntzak ikasten ari direnei beraien ikaskuntza prozesua errazteko tresna bat gehiago eskaintzea da. Normalean, hizkuntzak ikasten ari direnek, hizkuntza hori praktikatzeko zailtasunak izaten dituzte.

 

 

EZAUGARRIAK

Izen ematean galdetuko da zein hizkuntza eta zein ordutegi eta egun aukeratzen dituen partehartzaileak. Bilera hauek astean behin eta ordubetez izango dira.

 

  • Partekatu:

IRAILAREN 10EAN KAFEKONPON

-k Az, 2014-09-03 13:12-n bidalia

Udako etenaldiaren ondoren indarberrituta dator KafeKonpon egitasmoa. Datorren irailaren 10ean, hileko bigarren asteazkena, elkartuko da beti bezala San Joxepeko 2. solairuan arratsaldeko 16:00tik aurrera. Zatoz, ekarri etxetik hondatuta daukazun tresna eta guztion artean, kafe goxoa hartuta konponduko dugu… Dauzkagun gauzei duten balioa emateko… erabili, berrerabili, konpondu eta berriz erabili!!! ANIMATU ETA PARTE HARTU!!

  • Partekatu:

Haurren ospakizunak Oxirondoko merkatuan

-k Ar, 2014-07-08 12:54-n bidalia

Ekainaren 24an egin zen lehenengo haurren merendola Oxirondo azokan.
Parte hartu zutenek primeran baloratu zuten tokia eta merendola bertan ospatzeko aukera: lekua, parkea ondoan, azken orduko erosketatxo bat egiteko dendak bertan...
Gogoratu edozein bergararrek eskaera egin dezakeela Kultur Etxean. Udalak materiala utziko du (mahaiak, platerak, edalontziak, mantela...).
Baldintza bakarra azoka bera eta materiala zaindue ta garbitzea dira.
  • Partekatu:

Orriak