MARTXOAK 12: KAFEKONPON

Dagoeneko pasatu da beste hilabete eta martxoko KafeKonpon ate joka daukagu. Egia esan ekimen honekin oso pozik gaude, apurka apurka gero eta jende gehiagao hurbiltzen da gure hileroko zitara.

Gogoratu KafeKonpon martxoaren 12an izango dela 16:00tik aurrera San Joxepe elkarteko 1. solairuan.

TXIKI TXOKOA LABEGARAIETAKO KIROLDEGIAN

Labegaraietako kiroldegian, lehen Spinning gela moduan erabiltzen zen aretoa, aurrerantzean guraso eta haurrek erabiliko dute Txiki Txoko moduan.

Espazio hau Bergarako eta bereziki Labegaraieta auzoko haur eta familia guztiei zuzenduta dago, eguraldi txarra egiten duenean, bertan egoteko.

Auzoko guraso batzuekin batera auzoan dauden espazio posibleak begiratu ostean, gune hau egokitzea adostu zen.

Udalak egokitzapen lanak egin ditu eta dagoeneko zabalik dago nahi duenak bertara joateko.

Abenduan ere Kafe Konpon

Azaroko KafeKonpon

Abenduaren 11n, arratsaldeko 16:00tik aurrera KafeKonpon-en topaketa berria egingo da San Joxepe elkartean.
Bertan, hurbiltzen diren herritarrek, KafeKonpon-eko kideekin batera, etxean hondatuta daukaten traste zaharren bat konpontzeko aukera izango dute.
Zatoz, kafe goxoa hartu eta elkarrekin zure traste zaharra konponduko dugu!

 

Gabonetako jolas parkeak bi gune izango ditu

Aurten Gabonetako Jolas Parkeak gune bi izango ditu:

1. GUNEA: FRONTOIA - 0-8 urte bitarteko umeei zuzenduta
Gune hau etxeko txikienei zuzenduta egongo da. Bertan izango dira: ludoteka, puzgarriak, tailerrak...

2. GUNEA: ARANZADI IKASTOLAKO GIMNASIOA - 8 urtetik gorako umeei zuzenduta
Gune honetan gaztetxoentzako jarduerak egongo dira: zezen mekanikoa, Wiia, giza futbolina, ping-ponga, futbolina, Air Hockey mahaia...

PREZIOAK:
-Egun bateko sarrera: goiz eta arratsalde: 3€
-Hiru eguneko bonoa: 7€

KAFE KONPON EGITASMOA

Bergarako Udalak KAFE KONPON egitasmoa jarriko du martxan. Egitasmo honen helburua berrerabilpenaren filosofia zabaltzea da. Normalean, etxean ditugun elektratresna txikiak (sikagailua, plantxa...) hondatzen direnean bota eta berriak erosten ditugu.
Bada, egitasmo honen helburua bertaratzen direnen artean jendeak eramaten dituen traste zaharrak konpontzea eta berrerabiltzea da. Guztia kafe goxo baten inguruan.
Horretarako herriko hainbat "manitas-txapuzas"-ekin harremanetan jarri da udala, eta egia esan harrera ona izan du egitasmoak.

Orriak