Albisteak

Sorazulen hasi eta Bergaran amaitzen den Atxintxika kirol proba dela eta, Ibargarai eta Zurradero kaleak itxita egongo dira 15:00etatik 18:00etara.

Autobusari dagokionean, Ibargarai 9, Oxirondo eta Katabiako autobus geltokietako erabiltzaileak Torrekua parean dagoen autobus geltoki nagusirantz bideratuko dira.
Bestalde, taxi geltokia Ibargarai kaleko 46.era, makina-saltzailea dagoen lekura, mugituko da trafikoa itxita dagoen bitartean.

Iaz ez bezala, aurten, urriaren 30ean ospatuko da Bergaran Gau Beltza sorpresaren bat tarteko.

Asteazkenean abiatuko da ospakizuna, urriaren 28an, 17:30ean, Oxirondo azokan egingo den Xanduli manduli, eman gaztainak guri ekimenarekin. Bertako asteazkenetako azoka dinamizatzeko ohiko hitzordua baliatuko dute antolatzaileek, jaiaren aurrerapen gisa.

Egun bat aurreratuta

Oinarriak* gaur, urriak 23, argitaratu dira Gipuzkoako Aldizkari Ofizialean eta eskaerak aurkezteko epea gaur hasi eta azaraoren 13ra artean egongo da zabalik.

Bekaren helburua sortzaile berriei beren obra sortzeko laguntza ekonomikoa ematea da, eta, horrekin batera, lekua eskaintzea: Arrizuriaga Kulturgunea. Kultur sorkuntzatzat hartzen da artistaren irudimenetik sortutako edozein lan: musika, pintura eta eskultura lanak, literatura, antzerkia, zinema, komikiak, soinu-konposizioak, ikus-entzunezkoak, konposizio digitalak edo dantza-koreografiak, besteak beste.

Gau Beltza gerturatzen ari den honetan, asteazkenean, urriaren 28an, Eguaztenak Oxirondon dinamikaren barruan "Xanguli manguli, eman gaztainak guri! Gaztain erreak" ekimena egingo da.

Bergarako udalerriko zergapekoei jakinarazten dizuegu ondoko tributua(k) ordaintzeko epea, lekuak eta medioak honakoak direla:

Tributua(k): 58 TAXIAK, 65 UDAL ORTUAK, 59 KIOSKOAK, 58 TAXIAK

Epealdia: 2026

Ordaintzeko epea: 2026/10/15 – 2026/12/16

Ordaintzeko lekuak eta medioak:

-Helbideratutako ordainagiriak, baimendutako finantza erakundeetan eta zergapekoak agindutako kontu korrontetik kobratuko ditugu 2026/12/16an.

Bergara euskal folklorearen gune bilakatuko da igandean, urriak 25. Alai Berri Abesbatzak antolatuta eta Bergarako Udalaren nahiz tokiko hainbat eragileren laguntzaz, II. Otxote Topaketa ospatuko da. Ekimen honen helburu nagusiak otxoteen arteko loturak estutzea, euskal folklorearen transmisioa bultzatzea eta lau ahotsetarako kantugintzaren aberastasuna herriko kale nahiz auzoetara hurbiltzea dira.

Bergarako Udaletxean harrera-ekitaldia egin zaie herriko hiru kirolariri, azken hilabeteetan lortutako garaipenak eta izandako kirol-ibilbidea aitortzeko asmoz. Ekitaldian Andoni Calbano atleta, Mikel Aristi txirrindularia eta Nerea Agirrezabal arraunlaria omendu dituzte, herritarren eta senideen aurrean.

Udal ordezkariek azpimarratu dutenez, harrera honekin herriko kirolarien ahalegina, sakrifizioa eta konstantzia jarri nahi izan dituzte balioan, baita kirol minorizatuetan jarduten dutenen lana aitortu ere.

Halaber, biktimaren senitarteko eta adiskideei elkartasun osoa adierazi nahi die. Bestetik, indarkeria matxistaren azken kasu hau salatzeko egingo diren mobilizazioekin bat egiten du eta gaur, urriak 19, 19:00etan Bule kalean egingo den elkarretaratzean parte hartzeko deia luzatzen die herritarrei.

Udalak lehiaketa-oposizio irekia deitu du Agorrosin eta udal eraikinetan garbitzaile lanetan aritzeko sei langile kontratatzeko. Kontratua finkoa eta lan-jardun partzialekoa izango da. Lanpostuak E sailkapen-mailako ofizioen langileriaren klasekoak dira. B1 mailakoa hizkuntza-eskakizuna, baina ez da derrigorrezkoa.

Bergarako Udalak astelehen honetan hasi ditu Urteagako bidegorriari jarraipena emateko bosgarren faseko obrak. Jarduketa Urteaga kalearen amaieratik, laugarren fasea amaitzen den puntutik, Urteaga industrialdeko sarreraraino egingo da. Proiektuak, horrela, inguru horretako bidegorri sareari jarraipena emateko beste urrats bat ekarriko du.

Lanak Construcciones Zubieder SL enpresari adjudikatu zaizkio, 173.434,03 euroko aurrekontuarekin, BEZa barne, eta enpresak aurkeztutako eskaintzaren arabera, lau hilabeteko epea izango dute obrek.