Albisteak

Adimen Artifizialaren aukerak, digitalizazioa edota gazteen esperientziak uztartuz, Bergaran ospatzen diren Zientzia, Teknologia eta Berrikuntza (ZTB) jardunaldiek hamargarren edizioa ospatuko dute datozen asteetan. Izan ere, urriaren 21a eta azaroaren 16ra bitartean, aurkezpenak, erakusketak, hitzaldiak edota tailerrak ospatuko dira Bergaran.

Beharrezko lan batzuk direla eta, Masterreka kalea itxita egongo da aste honetako astelehen, astearte eta asteazken goizetan (09:00-13:00).

• Bolutik bajatzen direnak Barrenkaletik pasa beharko dira, plaza zeharkatu eta Bidekurutzetatik pasa eta gero, R.M. Lili kaletik bajatu beharko direlarik.
• Bolura igotzeko, Arrizuri kaletik igota joan beharko dira.

Urriaren 18an eta 19an GOZO Bergara topaketak ospatuko dira Bergarako Udaletxean, Bidezko Elikadurak, EHIGEk, Elikaeneak eta Ereindajan Bergarak antolatuta.

2019az geroztik, GOZO jardunaldien hainbat edizio egin dira, eta oraingo honetan Bergarara helduko gara. Hauxe da topaketen egitaraua:

Bergarako Udalak udalerriaren egoera sozioekonomikoari buruzko behin betiko txostena argitaratu du. 2024ko uztailean egin zen, eta azken hamar urteetako dinamika demografiko, ekonomiko eta sozialen diagnostiko zehatza eskaintzen du. Azterlan honen helburua da Bergararen azken aldiko bilakaeraren ikuspegi osoa ematea, bai eta etorkizunerako esku hartzeko funtsezko arloak identifikatzea ere.

Halaber, biktimaren senitarteko eta adiskideei elkartasun osoa adierazi nahi die.

Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, urriaren 10ean, ostegun honetan, 18:30ean, San Martin plazan egingo den elkarretaratzean parte hartzeko deia luzatzen die herritarrei.

Haizeengatik alerta laranja urriaren 9ko eguerdiko 12:00etatik arratsaldeko 18:00arte egongo da indarrean. Horren harira, Bergarako Udalak zenbait neurri hartuko ditu herritarren segurtasuna bermatzeko:

• Usondo parkea itxi
• Santa Ana eta Rekalde parkeetako sarreretan oharrak jarri, jendea bertan ez gelditzeko.
• Arrizuriaga parkea itxi
• Zabalotegiko frontoia itxi

Izena ematen dutenei libre dituzten ordu eta egunen berri galdetzen zaie eta 3-4 pertsonako taldeak antolatzen dira. Astean ordubetez euskaraz berba egitea da helburua (ez dira klaseak, euskaraz berba egiteko taldeak baizik). Eta dena diru trukerik gabe egiten da, doan.

Eta astean behin elkartzen diren ohiko taldeez gain, beste aukera batzuk ere eskaintzen dira: irteerak (Mintzalagun Eguna, bisitak…), berbalagun ibiltariak, guraso-lagun taldeak, hika-lagun taldeak, ortu-lagunak…

Bergara Antzerki Musikala (BAM!) elkarteak Grimm anaien Hamelingo Txirularia ipuin ospetsuan oinarritutako familia guztiarentzako euskarazko musikala taularatuko du.

Iñigo Casalí eta Iñaki Elizaldek 2008an egindako El Flautista de Hamelin gaztelaniazko musikalaren euskarazko bertsioa izango da. Euskarazko bertsioaren estreinaldia Azaroaren 9 eta 10ean izango da bergarako Seminarixoa aretoan. 4 saio eskainiko dira, bi egun bakoitzean 17:00 eta 19:00etan.

Bergarako Udalak lurzoru publikoa okupatzeko deialdi bateratua egin du (ogitartekoen salmentarako, txurroen salmentarako, feria txikia instalatzeko…).

Eskaerak aurkezteko azkenengo eguna: azaroak 8.

Lurzoru publikoa feriekin okupatzeko deialdia 2025. urtean (2024ko abendua barne)

Eskaerak aurkezteko azken eguna: 2024ko azaroaren 8, 13:00

Deialdiaren egoera: Eskaera aurkezteko epea zabalik.

TAUN TAUN Teatroak Helduentzako Nazioarteko Txotxongiloen XVII. Mostra aurkeztu du. Ekimena bienala da, eta 1991n egin zen lehenengo aldiz.

Estatuko arte bizien programazioan hutsune interesgarri bat bete nahi izan du. Izan ere, Bergarakoa ikuslego heldu batentzat egiten den lehenengo antzerki mostra da. Nabarmena da jaialdiaren jarraitutasuna. Handia ez izan arren, bere ibilbidean zehar munduko herrialde ezberdinetatik iritsitako 190 artista baino gehiagok bisitatu dute.