Albisteak

Bergarako Udalak jakinarazi du urriaren 6an, asteartean, Iriburu kaleko azken aldapa berriz asfaltatzeko lanak egingo direla. Abuztuan asfaltatu zen errepide zati hori, zoladuraren egoera txarra zela eta, baina egindako lanaren zati bat ez zen behar bezala geratu. Hori dela eta, lanak egin zituen enpresak asfaltatutako zatia konponduko du.

Bergarako Udalak hautaketa prozesua jarri du martxan Lanbide bitartez peoi espezialista aldi baterako kontratatzeko eta lan-poltsa osatzeko deialdia.

Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko betekizunak izango dira Eskola Graduatua edo Lanbide Heziketako erdi mailako teknikari edo hortik gorako titulazioa izatea.

GANDIK proiektuak beste urrats bat emango du 2026-2027 ikasturtean, eta Bergarara iritsiko da. Aurreko ikasturtean Portugaleten eta Beasainen abiatutako fase pilotuaren ostean, ekimena lau udalerri berritara zabalduko da: Laudio, Mungia, Pasaia eta Bergara

Ekimen honek hiru helburu nagusi uztartzen ditu: tokiko merkataritzaren digitalizazioa, gazteen gaitasun digitalak garatzea, eta, aldi berean, euskararen presentzia digitala indartzea, ikasleek sortutako webguneak euskaraz sortuko baitira.

Hilabeteko lehen ostiraletako kontzertuen zikloak badu urte amaiera arteko programazioa. Urritik abendua arte hiru kontzertu izango dira: urriaren 9an, Olaia Inziarte; jarraian, Usondoko kontzertuetan eguraldiagatik atzertu zen Txuma Murugarrenen kontzertua, azaroaren 6an; eta amaitzeko, abenduaren 11n White Carters-en doinu dantzagarriak izango dira.

Olaia Inziarteren sarrerak seminarixoa.eus webgunean daude salgai, eta gainontzekoak ere laster jarriko dira bertan.

Olaia Inziarte

Miriam Hontana biolin-jotzaileak eta Daniel Oyarzabal organistak irekiko dute larunbat honetan, urriaren 3an, Organo Erromantikoaren Nazioarteko Zikloaren XXVII. edizioa. Zikloa Bergarako, Azpeitiko eta Azkoitiko udalek antolatzen dute Fray Joseph Echevarria elkartearen eskutik, eta Gipuzkoako Foru Aldundiaren laguntzarekin. Azkoitiko eta Bergarako parrokietan eta Loiolako Basilikan hamar kontzertu eskainiko dira guztira urrian. Azkoitian, hilaren 3an, 10ean, 17an eta 24an izango dira kontzertuak, 20:00etan.

Gaur ospatu da lehen aldiz Wolframaren Eguna, Bergarako Udalak eta Laboratorium Museoak antolatutako ekimena, 1783an Elhuyar anaiek Bergaran wolframa isolatu zuteneko efemeridea gogoratu eta herriak zientziaren historian izan duen garrantzia balioan ipini duen eguna. Hain zuzen, gaur, irailak 28, 243 urte bete dira Euskal Herrian aurkitu den elementu kimiko bakarra isolatu zutenetik.

Bergarako Udalak Basalgoko balizko parke eolikoaren proiektuak gaur gaurkoz duen plangintzaren aurkako jarrera berretsi du, proiektuak urbanizaezina den lurzoruan, ingurune naturalean, paisaian eta inguruko baserri, etxebizitza eta bizilagunengan izan ditzakeen eraginak direla eta.

Udalak proiektuaren Ingurumen Eraginaren Azterlanaren gehigarriari alegazioak aurkeztea erabaki du. Horretarako, Hirigintza eta Ingurumen Zerbitzuko udal-arkitektoak egindako txostena onartu eta alegazio gisa bidaltzea onartu du astelehen honetako plenoan.

Bergarako Udaleko Osoko Bilkurak Bergarako ITASUA enpresako langileen lan gatazkaren harira aurkeztutako mozioa onartu du. Horren bidez, Udalak gatazkari irtenbidea emateko elkarrizketa eta negoziazioa sustatzearen alde egin du.

Taun Taun Teatroak eta Bergarako Udalak XVIII. Helduentzako Nazioarteko Txotxongiloen Mostra aurkezten dute. 1991etik, bi urtetan behin egiten da, txotxongiloak haurrentzat bakarrik direla dioen estereotipoa hausteko helburuarekin, eta publiko helduari zuzendutako objektuen antzerkiaren hutsunea betetzeko asmoarekin.

Industrias UGATU omendu dute Ekinolaren seigarren edizioan, Bergarako industria eta enpresa sareari hamarkadetan egindako ekarpena aitortzeko. Enpresaren 70 urte baino gehiagoko ibilbidearekin batera, industria sektorearen aldaketetara egokitzeko eta berritzeko izan duen gaitasuna eta etorkizunera begira egindako apustua nabarmendu dira ekitaldian.