David Avellanalek, Debagoieneko Ospitaleko Barne Medikuntzako sendagilea eta DEBAGOIENEKO ESIko ospitale arretako erreferente Zaintza Aringarrietan, eta Jesús Millasek, Oñatiko Osasun Zentroko familia mediku eta DEBAGOIENEKO ESIko Lehen Mailako Arretako erreferente Zaintza Aringarrietan, hitzaldia eskainiko dute gaur, azaroaren 22an, zaintza aringarriei buruz eta Debagoienean dagoen zerbitzu berriari buruz.

DEBAGOIENEKO Erakunde Sanitario Integratuak antolatutako “Bakea, erosotasuna eta duintasuna. Zaintza Aringarriak” hitzaldia egingo da gaur, azaroaren 22an, Irizar Jauregian, arratsaldeko 19:00etan.

Bertan, David Avellanal eta Jesús Millas doktoreek zaintza aringarrien gaia jorratuko dute eta horretarako hurrengo puntuetan oinarrituz:

  • Heriotzari buruzko hausnarketak gaur egungo gizartean.
  • Zer diren eta zertarako balio duten zaintza aringarriek.
  • Zaintza aringarriak eskubide.
  • Debagoieneko Zaintza Aringarrien Zerbitzua.