Ez da komeni aurretik webgunean gaituta ez dauden letra tipo desberdinak erabiltzea, nabigatzaileak bera dagoen sistemako letra tipoak erabiltzen baititu testua itxuratzeko: zuk aukeratzen duzun letra tipoa zure ordenagailuan egon daiteke, baina ez beharbada zuk idatzitako testua ikusiko duen erabiltzailearenean.
Egokiena HTML bihurtuta ematea litzateke, nabigatzailean bertan ikusi ahal izateko, baina hori posible ez bada, irisgarritasuna da jarraitu beharreko irizpidea, dokumentua bera ikusteko erraztasunak emate aldera.
Ez da komeni erosi beharreko software jakin batekin bakarrik ikus daitekeen formatoa erabiltzea ezinbestekoa ez bada, eta hala ematea egoki ikusten bada, irisgarriagoak diren formatuetan ere ematen saiatu beharko genuke.
Argazki arrunta baldin bada JPG formatoa da egokiena, ahal bada gehiegi konprimitu gabe (%85 esaterako egokia da, %75tik behera eskastxo, %90tik gora gehitxo). Tamainari dagokionean, zenbat handiagoa izan luze-zabalean, hobeto. Argazki kamarekin ateratako argazkiak bere horretan igo daitezke, nahi izanez gero; sistemak sortuko ditu gero behar dituen tamainako aldaerak.