komunikazioa-k Ar, 2015-01-27 10:27-n bidalia
Urtero bezala, abian da Bergarako Udaleko Euskara batzordeak antolatzen duen Koldo Eleizalde lehiaketa. Bergaran jaioek, bertan bizi direnek edo bertan lan edo ikasi egiten dutenek har dezakete parte.
Azkeneko urteetan egin izan denaren bidetik, idatzizko generoak eta ahozkoak eskaintzen dira:
- Lehenengo multzoan bi sail bereiztu dira: ipuin idatzia eta komikia.
- Bigarrenean beste bi: bertsoa eta kontaketa/interpretazioa. Azkeneko sail horretan era honetako generoak aurkez daitezke: antzerki, ipuin-kontaketa,umorezko pasadizo, txiste-saio… Partaidetzaren arabera, generook bereiz baloratu ahal izango dira.
Paperean eta entzunezko edo ikusentzunezko euskarrietan aurkeztu daitezke lanak, generoaren arabera (ikus oinarriak).
Lanak aurkezteko epea apirilaren 16ra artekoa da.
Lehiaketaren oinarriak eta bestelako azalpenak Udaleko webgunean ikus litezke helbide honetan: http://www.bergarakoeuskara.net/koldo-eleizalde-lehiaketa
Arloa: