Bergarako Udala

Bergarako Udalak eta herriko eragile ezberdinek Indarkeria Matxistaren Biktima diren Emakumeei Arreta Emateko Erakunde arteko II. Koordinazio eta Arreta Protokoloa sinatu dute astelehen honetan. Urrats garrantzitsu horrek genero indarkeriaren aurkako borrokan bergararrek daukaten konpromisoa nabarmenduko du, eta udalerriko emakume guztien segurtasuna eta ongizatea bermatzen lagunduko du.

Datorren asteartean, azaroaren 21ean, Bergarako Nagusien Kontseiluaren lehen bilera ospatuko da udaletxeko pleno aretoan 18:00etatik aurrera. Izan ere, adineko pertsonen ordezkaritza bat (Duintasuna, Nagusilan eta San Joxepe Elkartea) eta Bergarako Udala Bergarako adineko pertsonen kontseilua sortzeko lanean aritu dira azken hilabeteetan herrian nagusientzako topagune bat sortzeko.

Lan honen emaitza, Bergarako Adineko Pertsonen Kontseiluaren funtzionamendua arautzeko erregelamendua eratu eta onartzea izan da, eta orain Kontseiluaren lehen bilera ospatuko da.

UEMAk antolatutako ‘Egin nirekin ere Euskaraz’ kanpainara atxikitu da Bergarako Udala, euskaldun arrazalizatuen inguruko aurreiritziak gainditzeko deia eginez. Euskaldunak dira Arlenys, Haider, Aimar, Aya, Nora, Sefora, Miruna, Randy, Ekhi, Manna, Anastasia, Andriy, Zunnurain, Lassana, Abdallah, Alaia, Rayan eta Leen, UEMAk gaur Ibarran aurkeztu duen Egin nirekin ere euskaraz! kanpainari aurpegia jarri dioten lagunak.

Bergarako Udalak iragarri du udal langileei zuzendutako ikastaro bat jarri duela abian, bihotz-biriketako bizkortzerako funtsezko trebetasunak eta desfibriladoreak eraginkortasunez maneiatzeko.

Ikastaro honetan udaltzain guztiek eta herritarrekin zuzenean lan egiten duten udal langileek parte hartuko dute, eta, horrez gain, auzo alkateak ere gonbidatu dira.

Urtero lez, Bergarako Udalak Udazken Musikala izeneko egitasmoa martxan jarri du Seminarixoan. Izan ere, azaroan zehar musika estilo ezberdinetako bi kontzertu eskainiko dira.

Azaroak 18 – EUSKAL MUSIKA MUNDURA BEGIRA
20:00 - Seminarixoa
https://seminarixoa.eus/gertaera/duo-gomziakov-okinena-udazken-musikala/

Azken urteetako bideari jarraipena emanez, elikadura burujabetzan urratsak eman eta herri mailan elkarlanean arlo ezberdinei erantzuteko proiektuak garatzen ari gara Bergarako Elikadura Mahaian. Sentsibilizazioari dagokion lan-ildoan datozen hilabeteak oparoak izango ditugu. Elikadura mahaia osatzen dugun kideek (Bergarako Udala, Deba Garaia Debagoieneko Landa Garapenerako Elkartea, Ereindajan, Ehundu, Eskubaratz) “Elikadura burujabetzan kataiari helduz” jardunaldiak aurkezten ditugu.

Astelehen eta astearte gauean Ibargarai kale ondoko –barianteko herriko sarrera/irteera– bidegurutzea itxiko da, Bergarako Udala herriko toki ezberdinetan garatzen ari den asfaltatze lanen ondorioz. Lan hauen bitartez, gune horretako asfalto guztia aldatuko da, egoera txarrean baitago.

Saioa Galarraga Pardina eta Julen Murgiondo Izagirre dantzari bergararrak Euskal Herriko dantza txapeldunak izan ziren urrian Seguran ospatutako txalpeketan. 2019ko eta 2022ko lehiaketak irabazi ostean, aurtengoa hirugarren aldia izan da txapelketa berbera irabazten dutela. Bost urtetan hiru txapelketa irabazteari esker, saria ordezkatzen duen eskultura Bergaran geratuko da betirako.

Euskaltzaindia, la Fundación Torre Olaso y el Ayuntamiento de Bergara han presentado hoy en Bergara una jugosa exposición. En la misma, se ofrece amplia información sobre el archivo y bliblioteca del lingüista y académico George Lacombe, y dicha información se distribuye en 10 paneles y dos vitrinas. La muestra se podrá visitar hasta el 1 de diciembre en la Torre Olaso, situada en el Casco Viejo de Bergara.

Lizarran gertatu den haur baten erailketa matxista arbuiatu du Bergarako Udalak. Halaber, biktimaren senitarteko eta adiskideei elkartasun osoa adierazi nahi die. Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, gaur, azaroak 9, osteguna, 18:30ean, San Martin plazan egingo den elkarretaratzean parte hartzeko deia luzatzen die herritarrei.