Honako deialdi honen xedea da, barne promozioan eta lehiaketa-oposizio sistemaren bidez, OBRA ETA ZERBITZUETAKO BRIGADARAKO LORATEGIETAKO ETA MENDIETAKO TALDEEN ARDURADUNA kontratu finkoarekin hautatzea eta kontratatzea.
Lanpostua sailkapeneko C sailkapen-mailan C1 azpitaldekoa da, eta 12. mailari dagokion soldata-maila du. Halaber, 3. hizkuntz eskakizuna dagokio, derrigorrezkoa.
Lan-kontratua lan-jardun osokoa izango da.
Lanegunak eta ordutegia udalak urtean-urtean finkatutakoak izango dira, betiere lanpostuaren izaeraren eta zerbitzuaren premien araberakoak; adibide gisara, Bergarako jaietan, San Martin jaietan, San Martzial jaietan, Erramu Zapatuan eta horrelako jaietan antolatzen den egitarauak eskatzen duen langile-premiari erantzuteko lan egin beharko du, guztiak egutegian aurreikusiko direlarik.
