Bergarako Udala

Bergara eta Antzuola batu nahi dituen bidegorriaren lehen fasea bukatu berri duela iragarri du asteon Bergarako Udalak. Ibargaraiko autobus geltokitik Urteagara arteko tramoko obraren lehen fasea amaituta, 2024ean bigarren faseari ekingo dio Udalak, eta horretarako 350.000 euroko diru partida txertatu du hurrengo urterako Aurrekontu Proiektuan.

Astelehen honetan ospatutako osoko bilkuran, Bergarako Udalak Osintxuko plazan dagoen Txuringo taberna eta baju horretan dagoen lokala erostea onartu du, Osintxu biziberritzeko planaren baitan. Neurri honekin Udalak bertakoentzako ezinbesteko zerbitzua eta kohesiorako elkargunea izango den proiektua garatu nahi duela nabarmendu du gobernu taldeak udalbatzan.

Urteko azken osoko bilkura ospatu du astelehen honetan Bergarako Udalak, eta bertan, besteak beste, Bergarako Itsasmendiko basoan Udalak eta Gipuzkoako Foru Aldundiak burutu nahi duten lehengoratze ekologikorako proiekturako hitzarmena onartu du lehenak.

MERKATU ETA MERKATU-TXIKIKO TASAK:
Bergarako udalerriko zergapekoei jakinarazten dizuegu Merkatu eta Merkatu-txikiko tasen 2023ko laugarren hiruhileko erreziboak ordaintzeko epea, lekuak eta medioak ondokoak direla:

Epea:
· 2023ko abenduaren 14tik 2024ko otsailaren 14ra

Lekuak eta medioak:
· Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko ditugu 2023ko otsailaren 14an.

MIGUEL OKINAREN MENDEURRENA 1924-2024
2024. urtea Miguel Okina bergarar margolariaren jaiotzaren mendeurrena izango da.
Bearteko kideen batzorde bat eratu da, Bingen de Pedrok, Antton Arrillagak eta Xabier Agirrek osatua, margolariaren iloba eta ekimenaren komisarioa den Josu Okinaren inguruan, margolariaren obra lokalizatu , katalogatu eta mendeurreneko omenaldia antolatzeko. Ekimen hau Bergarako Udalaren babespean abiatuko da eta Bergarako Beart margolarien elkarteak sustatuko du.

Ibargarai kale ondoko ––barianteko herriko sarrera/irteera– zubian hainbat mantenu lan egin ostean, igande gauean berau asfaltatzen hasiko dira eta hiru gauez luzatuko dira lan hauek (abenduak 17, 18 eta 19). Trafiko bolumen handia daukan bidegurutzea da Ibargaraikoa, hori dela eta, lanak gauez egingo dira (22:00etatik goizeko 6:00ak bitartean), eta egunean zehar zubia zabalik egongo da.

2023 Gabonetako erakusleiho lehiaketan 3 merkataritza entitatek parte hartuko dute. Herritarrek baloratzeko aukera izango dute, webgune honen bitartez.

BOZKATU HEMEN: https://bergara.eus/eu/erakusleiho-lehiaketa-2023

Bergarako musika eszena balioan jarri eta ezagutarazteko asmoz, herriko 23 taldek ‘Loratzen’ diskoa grabatu dute azken hilabeteetan Udalaren babesarekin. “Bergarak musikalki daukan aberastasuna islatu nahi izan dugu, eta uste dugu disko bikoitz hau horren adibide dela”, adierazi du Maite Usabiaga zinegotziak astearte arratsaldean Seminarixoan egindako aurkezpenean.

Azken hilabeteetako emaitza erakutsi asmoz, diskoan parte hartu duten bost taldek kontzertua eskainiko dute abenduaren 29an Seminarixoan.

Bergarako udal gobernuak 2024rako aurrekontu proiektua aurkeztu du, herria biziberritu eta bergararren bizi baldintzak hobetzen jarraitzeko. Horretarako, 33.120.743 euroko Aurrekontua izango du datorren urtean, eta dagoeneko gobernu taldeak oposizioari aurkeztu dizkio aurreikusita dituen proiektu eta diru partida nagusiak, beraien proposamenak jaso eta aztertzeko helburuarekin. Ondo bidean, 2024rako Aurrekontuak urtarrilean onartzea aurreikusi dute udal gobernuko ordezkariek.

Aurten ere, Bergarako Udalak herritarren argazkiekin osatutako egutegia argitaratu du, eta egunotan hasiko dira banatzen.

Banaketa etxe guztietara egingo da, eta herritarrei eskatzen zaie banatzaileei ataria zabaltzea, kanpoan utzi beharrik ez izateko. Egutegiak, ahal denean, buzoietan sartuko dira eta, hala egin ezin den kasuetan, atarian utziko dira multzoan. Horregatik, bizilagunei eskatzen zaie bakoitzak bakarra hartzeko.