Enviado por webmaster en Jue, 2026-08-27 14:39
Bergarako Udalak jakinarazi du 2026ko San Martin jaietako danborradaren entseguak irailaren 2an hasiko direla. Entsegu guztiak Seminarioko patioan egingo dira, eta haur zein helduentzako saioak antolatu dira.
Haurren entseguak 19:00etan izango dira, irailaren 2an, 3an, 7an, 8an, 9an eta 10ean.
Helduen entseguei dagokienez, 20:00etan hasiko dira. Irailaren 2an danborrak soilik entseatuko dira; irailaren 3an, berriz, barrikak bakarrik. Ondoren, irailaren 7an, 8an, 9an eta 10ean talde guztiak batera arituko dira entseguetan.
Udalak danborradan parte hartu nahi duten herritarrei gogorarazi die danborra edo barrika jasotzeko unean bakoitzak bere gerrikoa eraman beharko duela.
Entseguen egutegia:
Haurrak (19:00etan):
• Irailak 2, 3, 7, 8, 9 eta 10
Helduak (20:00etan):
• Irailak 2: danborrak bakarrik
• Irailak 3: barrikak bakarrik
• Irailak 7, 8, 9 eta 10: guztiak batera
