Bergarako Udala

Otsailaren 21ean izango da Bergarako hamaikakoaren aurkezpen ekitaldia Seminarixoan, arratsaldeko 19:00etan. Maiatzaren 15etik 25era bitartean izango da Euskaraldiaren laugarren edizioa, eta Bergaran Euskaraldiaren enbaxadore izango den hamaikakoa aurkezteko ekimen publikoa egingo da datorren ostiralean.

Bergarako FCC – FEX elkarteak 25.000 euroko dirulaguntza jasoko du 2025ean, urtarriletik abendura bitartean, Bergarako Udaletik. Laguntza honek elkarteak torlojugintza eta lotura teknologikoen inguruan sustatzen dituen ekimen eta proiektuei jarraipena emateko balioko du, tokiko garapen ekonomikoa eta berrikuntza indartuz.

Bergarako Udalbatzak 2025erako aurrekontuak behin betiko onartu berri ditu astelehen honetan ospatutako ezohiko plenoan. Aurrekontu hauek, 38,5 milioi eurokoak, Legealdi Planaren helburu estrategikoak gauzatzeko eta udalerriaren ongizatea sustatzeko bide nagusia izango dira. Aurreko urtearekin alderatuta, %14ko igoera izan dute, eta honi esker, bergararrei zuzenduriko proiektu eta zerbitzu asko garatuko dira datozen hilabeteetan.

Bergarako Udaleko Euskara Zerbitzuak antolatzen duen Koldo Eleizalde lehiaketaren 2025eko edizioa martxan da. Lehiaketa honek 1986an izan zuen hasiera, eta 2001ean Bergarako euskalari ospetsuaren omenez hartu zuen egungo izena.

Bergarako Enpresare elkarteak 30.000 euroko dirulaguntza jasoko du 2025ean Bergarako Udalaren eskutik bere jarduerak sendotzeko eta zabaltzeko. Dirulaguntza urtarriletik abendura bitartean gauzatuko diren proiektu eta ekimenak finantzatzeko erabiliko da.

Halaber, biktimaren senitarteko eta adiskideei elkartasun osoa adierazi nahi die.

Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, otsailaren 7an, ostiral honetan, 18:30ean, San Martin plazan egingo den elkarretaratzean parte hartzeko deia luzatzen die herritarrei.

Laboratorium Museoak urtemuga berezia bete zuela iragarri zuen eta, horrekin batera, urte osoko iraupena izango zuen ekitaldiz betetako egitaraua osatu zuela. Otsailaren 14an, Bergarako Seminarixoan, goizeko 10:00etatik aurrera antolatu duen adimen artifizialari buruzko solasaldia 10. urteurreneko ospakizunen eta ZTB-Zientzia Teknologia Berrikuntza Bergara jardunaldien barnean kokatzen da. Ekitaldia publiko orokorrari zuzenduta dago eta sarrera doakoa da. Mahai-ingurua gaztelaniaz izango da.

Bergarako Udalak jakinarazi du datorren asteazkenean, otsailaren 5ean, Arrizuriagako parkeko zuhaitz bat botako dela. Sarrera nagusiaren ondoan kokatuta dagoen Indigaztaina (Aesculus hippocastanum espeziekoa) eraitsiko da, zuhaitza gaixo dagoelako eta erortzeko arriskua baitu.

Urrian hasi ziren udal pilotalekuko berritze lanak bukatu ditu Bergarako Udalak. Estalkia guztiz berritu da, isolamendu termikoa eta akustikoa hobetuz. Gainera, pilotalekua margotu egin da.

Pilotalekuaren berritzeak 356.954 euroko kostua izan du, eta Udalak Gipuzkoako Foru Aldundiaren 135.380 euroko diru-laguntza jaso du. Lanak Goitu Eraikuntzak SL enpresak burutu ditu.

Datorren asteazkenean, otsailaren 5an, eta ostegunean, otsailaren 6ean, Fraiskozuri kalea itxita egongo da bi noranzkoetan, frontoiko obretako garabia kentzeko lanak direla eta. Itxiera osteguneko goizeko 08:00etan hasiko da eta ostiraleko arratsaldeko 17:00ak arte luzatuko da.

Udalak seinaleztapena jarriko du trafikoa egoki bideratzeko. Gainera, Joan XXIII. enparantzako barruko garajeak erabiltzen dituzten herritarrek Irizar kaletik egin beharko dute irteera.

Lan hauek ezinbestekoak dira obra segurtasunez eta epeak betez amaitzeko.