Bergarako Udala

Debagoiena eskualdeko errekak garbi mantentzeko asmoz, herri ezberdinetako herritar, elkarte zein eragile ezberdinek erreka garbitzeko ekimena jarri dute martxan auzolanean.

Bergarari dagokionez, urriaren 19an, 9:30etan, hiru gunetan elkartuko dira taldeak: Labegaraieta kiroldegia, Osintxu eta Seminarioko patioan. Bergararen kasuan, Udalak garbiketarako materiala jarriko du eta antolaketa lanetan lagunduko du. Antolatzaileek bizikletaz hurbiltzeko gonbidapena egiten diete herritarrei.

Aurreko urteetan bezala, Bergarako Udalak 2025eko egutegia argitaratzeko asmoa du, herritarren argazkiekin hornituta. Oraingoan Laboratorium museoari eskainia izango da eta bertan, besteak beste, museoan dauden altxorren argazki ederrak ere agertuko dira. Hori dela eta, deia zabaltzen zaie bertan publizitatea jarri nahi duten herriko dendari, ostalari, enpresa, talde, ikastetxe eta abarrei.

Bergarako Agorrosin kiroldegiko datuen arabera, azken urteetako udarik jendetsuena izan da. Aldi berean, Bergarako Udalak hainbat inbertsio egin ditu kiroldegian, esaterako, gimnasioan edo Ipintzako futbol-zelaian. Bertan egindako inbertsioei esker, instalazioak hobetu ahal izango dira, mantentze-lanen kostuak murrizteaz gain.

'EKINola Etorkizuna zure eskuetan’ ekintzailetza jardunaldiaren edizio berri bat ospatuko da ostegun honetan, irailaren 26ean, Bergarako Miguel Altuna Lanbide Heziketa zentroan. Bertan, ideia berri eta berritzaileak dituzten eta ekintzaileak diren gazteek beraien proiektu eta egitasmoak garatu eta enpresen aurrean aurkezteko aukera izango dute.

Bergarako ludotekak doakoak izango dira aurrerantzean erabiltzaile guztientzat, Bergarako Udalak ordenantza fiskaletan txertatutako neurri berri bati esker. Hori dela eta, ikasturte honetatik aurrera, herriko edozein umek izena eman dezake ludotekan ezer ordaindu gabe.

Izan ere, ludotekak haurren hizkuntza ohiturak aldatzeko izan dezakeen eragina ikusita eta auzoetako eta herriko haurren inklusioa helburu izanda, 2024rako ordenantza fiskaletan erabaki zen herriko hiru ludotekak –Aidau Haurren zerbitzua, Angiozarko ludoteka eta Osintxuko ludoteka– doako zerbitzuak eskaintzea.

Bergarako Udalak eta herriko nagusien elkarte eta eragile ezberdinek egitarau berezia aurkeztu dute urriaren 1ean ospatzen den Adinekoen Nazioarteko Egunaren baitan. Besteak beste, antzerkia, hitzaldia, zinea edota aldarrikapena uztartuko dituzte hurrengo egunetan.

Hemen kontsultatu dezakezu programazioa:

Bergarako Udaleko Berdintasun arloak Jabekuntza Eskolaren urte bukaera bitarteko ekimenak aurkeztu ditu. Aurten, besteak beste, sei tailer, hitzaldiak, mahai inguruak edota bi proiektu berri eskainiko dira. Azken horietarako, Berdintasun arloa Udaleko beste arloekin elkarlanean aritu dira, eta elkarlan horretatik sortu dira ‘Emakume migratuak eta Kirola’ eta ‘Gure Artean Euskaraz’ ekimenak.

Halaber, biktimaren senitarteko eta adiskideei elkartasun osoa adierazi nahi die.

Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, ostiral honetan, irailaren 13an, 18:30ean, San Martin plazan egingo den elkarretaratzean parte hartzeko deia luzatzen die herritarrei.

Mugikortasuneko, Turismoko eta Lurralde Antolaketako Departamentuak Lurraldebuseko gaueko zerbitzuak jarriko ditu martxan Bergarako San Martin jaiak direla eta.

Bergarako Laboratorium Museoak 10 urte beteko ditu 2025ean. Museoarentzat garrantzi handiko urteurrena izango da, eta Bergarako Udalak eta Mugikortasuneko, Turismoko eta Lurralde Antolaketako Departamentuak merezitako ospakizuna eskaini nahi diote. Urteurren hori gogoan, Azahara Domínguez diputatua Bergarako museoan izan da berriki, eta Gorka Artola alkatearekin eta Rosa Errazkin Laboratoriumeko zuzendariarekin bildu da, museoa sustatzeko konpromisoaren berri emateko.