Enviado por Bergarako Udala en Mar, 2020-02-11 14:01
Otsailaren 15ean, larunbata, 'Bergarako baserriak, jatorriaren ikerketa lana' hitzaldia egingo da Udaletxeko pleno aretoan, 11:00etan.
Hizlariak izango dira: Patxi Larrañaga historia ikertzailea, Josué Susperregi dendrokronologoa eta Ibon Telleria arkitektoa.
Aipatutako adituek 2019 urtean Bergarako sei baserri aztertu dituzte: Eguren, Monasteriobide, Eizmendi, Eduegi, Olabarri eta Garitao Martisaezkoa; guztiak XV. mendekoak. Baserri hauen aukeraketa izan da zurezko egituraren egungo egoeraren araberakoa.
Aukeratutako sei baserri hauek ondare zerrendatan zaharrenen artean kokatzen dira. Hauen egituren azterketa jatorrizko elementuetan oinarritu da, eraikuntzako lehen egoeraren data bilatzeko asmoarekin.
