admin-k Al, 2012-09-03 17:08-n bidalia
Diru-laguntzak garapen bidean dauden herrialdeetako bizilagunen baldintzak hobetzeko programak abian dituzten gobernuz kanpoko erakundeentzat izango dira.
Bergarako Udalak Gobernuz kanpoko erakunde edo instituzioentzako 52.600 euroko diru-laguntza du prest.
Diru kopuru hori bi multzotan banatuko da: kopuru horren %95 garapen bidean dauden herrialdeetako bizilagunen baldintza sozial, ekonomiko eta kulturalak hobetzeko helburua duten programen ekintzak laguntzera zuzenduko da. Gainontzeko %5 aipatutako ekintzekiko Bergarako herritarren interesa sortzeko egingo diren ekintzak laguntzeko erabiliko da.
Epea irailaren 29ra arte zabalik
Diru-laguntzak eskatzeko epea zabalik dago eta irailaren 29ra arte iraungo du. Interesatuek diru-laguntzak eskatzeko oinarriak hemen eta Udaleko Gizarte Zerbitzu Sailean dituzte eskuragarri .