Bergarako Udala-k Az, 2017-05-24 14:12-n bidalia
Bergarako ikastetxeetako haur eta gazteek biodibertsitatearen gaia landu dute 2016-2017 ikasturtean zehar. Landutako guztiarekin, udaletxean izan dira gaur Elena Lete alkateari eta Lander Arregi eta Izaskun Labaien zinegotziei euren proposamenak egiten. Hona hemen egin dituzten proposamen guztiak;
ZUHAITZ LANDAKETAK
- Zuhaitz eguna antolatu eta egun horretan bakoitzak bere zuhaitza landatu bere izenarekin
- Autoktonoak diren landareak eta zuhaitzak landatu eta inbaditzaileak diren espezieak detektatzen/kentzen saiatu.
- Baso eta ibaiertzetan bertako zuhaitz/landareak landatu (haltza...)
HERRIKO PARKEAK
- Santa Ana parkean mahai eta eserlekuak jarri
- Bidexka egokiak egin landareak ez zapaltzeko
- Konde parkean iturria jarri
- Santa Ana eta Konde parkean komunak egin
- Argiztapen egokia jarri
- Informazio panelak jarri bertako historia, fauna eta landaretza adieraziz edota berritu
- Errekalde eta Usondo parkeetan zakarrontziak jarri.
- Herriko parke guztietan (eta batez ere Laboratorium-eko parkean) zuhaitz bakoitzari bere izena jarri.
- Txorientzako habiak jarri parkeetan.
- Parkeak zainduko dituen pertsona bat egotea
IBAIAK ETA ERREKAK
- Urtean bitan erreka garbiketa eguna antolatu. Egun bat larunbata izan daiteke herritar guztiak parte hartzeko aukera izateko eta bestea aste eguna.
- Mendietako iturri naturalak gehiago zaindu.
- Ibaiak ahalik eta gutxien kanalizatu.
- Ibaia eta errekak bizidunen bizileku bezala aldarrikatu.
- Ura eta eraikinen artean espazio naturalak mantendu.
BERDEGUNEAK
- Berdeguneak handitu edo gehitu, umeek bertan jolastu ahal izateko.
- Zakarrontzi gehiago jarri berdeguneetan.
- Lanpostu berri batzuk sortu parke eta berdegune desberdinak zaintzeko.
ANIMALIAK
- Errekak bertako arrainekin birpopulatu.
- Inpaktu azterketa bat egin ondoren eta oreka ekologikoan lagungarri suertatuz gero bertako espezieak sartu, adib: katagorria.
- Animaliak ugaltzeko eta bizitzeko leku eta ingurune aproposak sortu, horretarako zuhaitz, zuhaixka eta landare gehiago landatu .
BASOAK
- Noizean behin kanpainak egin. Patruilak osatuz eta basora joan garbiketa lanak egitera
- Basoan dauden landare eta animaliak errespetatuz saiatu obra handirik ez egiten, beraien inguruan aldaketa izugarririk ez suertatzeko.
ESPEZIE INBADITZAILEAK
- Espezie inbaditzaileen kontrol zorrotza egin
ELIKAGAIAK
- Baserritarrei diru laguntzak eman bertako produktuak lantzeko.
BESTEAK
- Herriko apaingarriak material berrerabiliekin eta birziklatuekin egitea
- Jolas parkeetan patineteentzako aparkalekuak ipini
- 2 hilean behin naturarekin kontaktuan egoteko irteerak antolatzea eskola guztiak elkarrekin
- San Martzial inguruan kotxeen erabilera murriztu/mugatu
Hitzaldiak antolatu herritarren sentsibilizazioa lortzeko: zuhaitz autoktonoak, inbaditzaileak, animali motak, hondakinen arazoa… tratatuz.
Udal ordezkariek, Bergarako Udalaren konpromisoa berretsi dute ingurumenaren eta biodibertsitatearen alde lanean jarraitzeko.