Bergara Zaintzen herritarren boluntario sareak martxan jarraitzen du, poliki-poliki beharra duten herritarrei laguntza eskaintzen.

Gaur egun 210 boluntario daude sare horretan izena emanda eta une honetan 39 pertsonei -haiek eskatuta- ematen zaie laguntza. Dena den, bakarrik bizi den eta beharrean dagoen beste pertsonaren batek laguntza beharko balu, 010 telefono zenbakira deitu beharko du. Laguntza eskatu eta egun batera hasiko zaio laguntza ematen.

Bestalde, Udalak astero dihardu herriko 1.200 etxetara telefonoz deika zer moduz dauden galdetu eta laguntza eskaintzeko.

Dakizuen bezala, eskaintzen den laguntza da erosketak egiteko, botikak ekartzeko eta zaborra ateratzeko. Eta orain gehitu zaizkie honako zerbitzuak: telefono bidezko akonpainamendua eta maskotak paseoan ateratzea.