Bergarako Udala-k Ig, 2021-12-19 20:37-n bidalia
Abenduaren 22an –asteazkena–, 19: 00etan, Seminarixoan hitzaldi bat izango da, zineari eta herritarren partaidetzari buruzkoa, eta ondoren film laburren emanaldia.
Bergarako udalerrian honako ekimen hau izango dugu: Zine Ikusleen Topaketa Ibiltaria. 'Ambulante Euskadi'ren ekimena da eta 'Unión de Cineastas' taldearen laguntza du. Bergaran eta Gipuzkoako beste hamalau udalerritan 2020an audientziei buruz egindako ikerketa bat du jatorrian. Foroa urritik abendura bitartean hainbat euskal udalerritan hitzaldiak egiten ari da zineak dituen audientziei buruz, eta ondoren udalerrian eman ez diren filmak proiektatzen dira.
Oraingo programa honetan, sei film labur proiektatuko dugu:
A comuñón da miña prima Andrea (Brandán Cerviño, Espainia, 2021, 13 ')
Quebrantos (Koldo Almandoz eta Maria Elorza, Euskal Herria, 2020, 8 ')
Trayectos (Verónica Marín, Mexiko, 2020, 10 ')
Azaletik Azalera (Mel Arranz, Euskal Herria, 2021, 8 ')
El ruido solar (Pablo Hernando, Euskal Herria, 2020, 16 ')
Fantasma Neon (Leonardo Martinelli, Brasil, 2021, 20 ')
Aurretik, hitzaldi hau izango da: “Cine y participación ciudadana: alternativas a los modelos de exhibición dominantes. ¿De qué manera se puede desarrollar la relación con las audiencias, eliminar barreras y fomentar la fidelización?” (Zinema eta herritarren partaidetza: nagusi diren exhibizio-ereduen alternatibak. Nola gara daiteke audientziekiko harremana, oztopoak kendu eta fideltasuna sustatu?). Modu hedakorrean kudeatutako programazioen kasu zehatzak hartu eta, hortik abiatuta, herritarrekin izan duten inbrikazioarengatik arrakastatsuak izan diren formulei buruz hitz egingo dugu. Gizarte-espazioari eta espazio hori igarotzen duten publikoei buruzko hausnarketatik sortutako ideiak dira, eta zinema-kultura berri baten aldeko apustua egiten dute, audientzia jakin batekin lankidetzan. Posible al da publiko edo ikusleengan sormen-funtzioa sustatzea eta komisariatutako programaz jabetzea ahalbidetzea?
Saioa Seminarixoan izango da abenduaren 22an, asteazkena, 19:00etan. Hizlariak Nagore Portugal, Ozzinema zineklubaren eta Errenteriako udako zinemaren arduraduna; Gurutz Albizu, Irungo Kabigorri Ateneoko programazio koordinatzailea; eta Ander Bolívar, Bergarako ZinemaOn zineklubeko kidea izango dira. Ander Gisasola, Kresala Zineklubako kideak gidatuko du hitzaldia. Sarrerak 3 euro balio du.
Zine Ikusleen Topaketa Ibiltariak Gipuzkoako zinema-aretoetako audientzien inguruko erakusketa eta solasaldirako gune bat proposatzen du. Era berean, zinema-eskaintza desentralizatzearen eta film-komunitate bakoitzaren ezaugarrietara egokitzearen aldeko apustua egiten du. Gipuzkoako Foru Aldundiaren, Bergarako Udalaren, Seminarixoaren eta ZinemaOnen laguntzari esker eraman ahal izan dugu aurrera Foroa Bergaran.
Ambulante Euskadi
Ambulante Euskadi hainbat euskal udalerrietan aurrera eramango den zinema dokumentala erakusteko proiektua da, proiekzio programa udalerri bakoitzeko berezitasunetara eta interesetara egokituko da. Kuradoretza tokiko entzuleengana izandako hurbiltze-prozesuaren ondorengo emaitza da, eta egungo zinema-proposamenaren arabera eraiki da. Hala, Komunitate bakoitzean zinemarekin dagoen harremanaren arabera, lurraldeko ikusle eta paintailetarako berariaz komisariatutako proposamena diseinatu da.
