Ohartarazpen mezua

Submissions for this form are closed.

BERGARAKO KIROL ZERBITZUKO OHOREZKO ABONATU TXARTELA

2023. urtean eta lehenago hainbat herritarrek kirolaren alde egin duten edo aurretik egin izan duten lana eskertzeko, edota kirol arloan lortutako emaitzak saritzeko, Bergarako Kirol Zerbitzuko “Ohorezko Abonatu Txartela” izeneko sariak ematea, oinarri hauei jarraituz.

Sariak emateko aplikatuko diren irizpideak

Sariak emateko honako irizpide hauek aplikatuko dira:

- Ohorezko txartela proposatu eta erabakitzean, Bergaran kirol arloan egiten den ekarpena baloratuko da: kirolari, entrenatzaile, zuzendaritza-kide, sustatzaile, epaile…

- Sariak emateko orduan ondoren zehazten diren irizpideak baloratuko dira; eta arlo bakoitzean, meritu gehien duenari gehieneko puntuazioa emango zaio eta gutxien duenari puntu bat:

1. Kirol merituak: 20 puntu gehienez.

2. Emandako denbora-dedikazioa: 20 puntu gehienez.

3. Generoa: Emakumea izateagatik, 5 puntu.

4. Inklusibitatea: Kirol egokituan lan egiteagatik, 5 puntu.

5. Kirol modalitatea: Minoritarioa izateagatik, 3 puntu.

6. Adina: 50 urtetik gorakoa izateagatik, 3 puntu.

7. Hainbat kirol modalitatetan aritzeagatik, 3 puntu.

Sari-proposamenen egilea eta horretarako epea

Edozein herritarrek edota entitatek aurkeztu ahal du proposamena. Ez da onartuko pertsona fisikoek norberaren burua eskaintzea saria jasotzeko.

Proposamenak, jarraian jasotzen den inprimakia erabilita, 2024ko urtarrilaren 19a baino lehen aurkeztu beharko dira, bai Udaletxeko Bergararren Arretarako Zerbitzuan (BAZ), bai Agorrosinen, bai Udalaren web-gunearen bidez (Bergarako Kirol Zerbitzuko “Ohorezko Abonatu Txartela” emateko proposamena)

Proposamena egiterakoan, zehaztu egin behar dira hautagaiaren izen-abizenak eta baloratuko diren arloei buruzko informazioa: merituen azalpena, emandako denbora, kirol modalitatea/k, argazkia, komunikabideetan argitaratutako informazioa…

Proposamenak modu egokian aurkezten dituztenen artean, Agorrosinerako hiru hilabeterako banakako abonu oso bat zozketatuko da.

Sariak emateko prozedura

Epaimahaiak, jasotako proposamenak baloratuta, betiere arestian aipatutako irizpideen arabera, ohorezko txartelarekin saritutako pertsonen zerrenda proposatuko du.

Epaimahaikideak:

  • Olatz Manuel, Bergarako Udalean zinegotzia.
  • Kepa Sebal, Bergarako Udalean zinegotzia.
  • Aitor Eraña, 2023. urtean ohorezko abonuarekin saritua.
  • Maria Sanchez, 2023. urtean ohorezko abonuarekin saritua.
  • Iñaki Ugarteburu, Kirol Zerbitzuko burua.

Ohorezko txartelaren jabeak Kirol Zerbitzuko banakako abonu osoa dohainik izango du 2024ko 12 hilabeteetan.

Gehienez 5 txartel-sari banatuko dira. Otsailean erabakiko da zeintzuk izango diren urteko txartelarekin sarituak, eta horren berri emango da udaleko web-orrian.

Pertsona berak ezin izango du urtebete baino gehiagotan ohorezko txartela lortu.

Datuen babesa
 
Sari banaketa honetan eskuratutako datu pertsonalak Bergarako Udalaren ardurapean tratatuko dira eskaera izapidetu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta: Bergarako Udala, San Martin Agirre plaza 1, 20570 – Bergara. Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT). Tratamendua: 1905
 

Nor proposatzen duzu OHOREZKO ABONATU TXARTELA jasotzeko?

Sari proposamen hau egiten duen pertsona jakitun da udalak eskuratutako datu pertsonalak Bergarako Udalaren ardurapean tratatuko direla, eskaera izapidetu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta: Bergarako Udala, San Martin Agirre plaza 1, 20570 – Bergara. Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT). Tratamendua: 1905