Bergarako Udala-k Al, 2025-04-14 12:17-n bidalia
Bergarako Udalak liztor beltzaren aurkako kanpaina abiatu du beste urte batez. Aurten ere, apirilaren 30era arte, 50 tranpa jarriko dira udalerriko hainbat puntutan, espezie inbaditzaile honen populazioa murrizteko helburuarekin. Liztor hau Asiako jatorrikoa da eta bertako ekosisteman kalte larriak eragiten ditu, bereziki erle, intsektu eta eltxoen populazioetan.
Tranpak jartzeko orduan, aurreko urteetan habia gehien agertu diren kokalekuak hartu dira kontuan, horrela neurriak ahalik eta eraginkorrenak izan daitezen. Tranpak zuhaitzetan kokatzen dira, eta astero egiten zaie jarraipena. Erabilitako erakargarriek liztorrak erakartzen dituzte, baina ez dituzte erleak arriskuan jartzen.
Bergarako Udala urteak daramatza liztor beltzaren aurka lanean. Iaz, esaterako, 66 habia artatu zituen Udaltzaingoak, Gipuzkoako erlezainen elkartearekin elkarlanean.
Udaltzaingoak jarraitzen du izaten espezie honen jarraipenaren arduradun nagusia. Horregatik, herritarrek habia bat antzematen badute, 092 telefonora deitzea gomendatzen da.
