webmaster-k Al, 2026-02-09 11:24-n bidalia
Bergarako Udalak hautaketa-prozesua abiarazi du Bergarako Txoko Feministaren koordinatzaile lanpostua betetzeko. Deialdia lehiaketa-oposizio bidez gauzatuko da, eta prozesua arautzen duten oinarri arautzaileak jada argitaratuta daude Udalaren webgunean.
Lanpostua A2 taldekoa da, eta bere eginkizunen artean daude Txoko Feministaren antolaketa eta dinamizazioa, proiektuaren garapena, herritarren parte-hartzea bultzatzea, eta Berdintasun arloko Udal politikekin koordinazioa.
Hautagaiek, besteak beste, honako hauek bete beharko dituzte:
• Diplomatura, gradua edo lizentziatura izatea.
• Euskara-maila egiaztatua (C2), derrigorrezkoa.
• Berdintasunaren arloko gutxienez 150 orduko prestakuntza izatea, erakunde ofizial batek ziurtatua.
Hauta-prozesuan parte hartu nahi dutenek eskaera elektronikoa bete eta aurkeztu beharko dute Bergarako Udalaren webguneko “Udal lan eskaintza” atalean. 2026ko otsailaren 22ra arte egongo da zabalik izen-ematea.
Informazio guztia: https://www.bergara.eus/eu/node/21473
