webmaster-k Or, 2026-06-26 11:15-n bidalia
Bergarako Udalak jakinarazi du udal zerga eta tasen kobrantza kanpaina berriak abian direla, zehazki panteoien tasa, kutxazainen okupazio-tasa, merkatu txikiko tasa eta merkatuko tasa ordaintzeko epeak zabalik daudela.
Panteoien tasari eta kutxazainen okupazio-tasari dagokienez, 2026ko maiatzaren 29tik uztailaren 30era bitartean izango da ordainketa egiteko epea. Bestalde, merkatuko eta merkatu txikiko tasaren kasuan, 2026ko bigarren hiruhilekoari dagokion ordainketa epea ekainaren 12tik abuztuaren 14ra arte egongo da irekita.
Ordainketak egiteko hainbat bide eskura jarri ditu Udalak. Helbideratutako ordainagiriak automatikoki kobratuko dira zergadunek adierazitako banku-kontuetatik; gainerakoak, berriz, etxera bidaliko dira, eta ondoko bitartekoetatik ordaindu ahal izango dira:
• Udaletxeko B@Z arreta bulegoan, zehaztutako ordutegietan
• Udaletxean dauden kutxazain automatikoetan, astelehenetik igandera 06:00etatik 22:00etara.
• Finantza-erakunde laguntzaileen bulego, kutxazain eta banku elektronikoen bidez.
• Ordainketa telematiko bidez, Bergarako Udalaren egoitza elektronikoan (www.bergara.eus), “Nire ordainketa on-line” atalean, txartela, kontu-kargua edo Bizum erabiliz.
