Bergarako Udala-k Az, 2015-05-06 10:05-n bidalia
Bedelkarrek, Bergarako Merkatari Elkarteak, ESTILISMO-MODA egitasmoa antolatu du Udalaren laguntzarekin udaberrirako. Bergara Bizi ekimenaren baitan kokatzen den egitasmo honetan hainbat ekintza burutuko dira.
- ESTILISMO-MODA ekitaldia
Eguna: Maiatzak 16, larunbata
Ordua: 18:00etan
Lekua: Udaletxeko aretoan
Partaideak: Laura Chamorro, kazetaria, Blogger-a eta TeleDonostiko Gipuzkoa de moda saioko aurkezlea eta Maricruz Garrido, Euskal Herrirako Clarins produktuen ordezkaria.
Bi aditu hauek aurtengo udaberri-udarako joera nagusiak aurkeztuko dituzte.
- Gipuzkoa de moda saiorako grabaketak Bergarako dendetan
Maiatzak 18 eta 19an zehar Bergarako komertzioen grabaketak egingo dira eta Bedelkarreko arropa, osagarri eta estetika dendek beraien produktuak erakusteko aukera izango dute. Ekaina hasieran, Laura Chamorrok gidatzen duen Gipuzkoa de moda saioan igorriko dira grabaketa hauek.
- Moda eta diseinuari buruzko aldizkariaren argitalpena
Ekaina hasieran argitaratuko da aldizkaria eta denda bakoitzak (arropa dendak, konplementuak, estetika eta ileapaindegiak, dekorazio eta oinetako dendak) bere atala eta espazioa izango du, bere produktu esanguratsuenak aurkezteko eta tendentziak azaltzeko. Horretarako, Bergarako argazkilari, diseinatzaile eta kazetari baten laguntza izango ditugu.
- Bedelkarreko bloga martxan
Bedelkarrek bloga martxan jarriko du eta bertan kokatuko dira aldizkariaren testu eta argazkiak.
Udaberriko egitasmo honetan, guztira, herriko 44 establezimenduk hartuko dute parte: jantzidendak, kirol jantzidendak, oinetakoak, bitxitegiak, optikak, estetika zentroak, e.a.
