Erakusleiho lehiaketan parte hartzeko abenduaren 3tik 11ra eman behar da izena

-k Ar, 2020-12-01 17:18-n bidalia

Bergarako merkataritza-establezimendu guztiak aintzakotzat hartuko dira lehiaketan, aurrez izena emanda. Izena emateko epea, abenduaren 3tik 11ra bitartean, 943761016 telefono-zenbakira deituta (komertzio-ordutegian).

2020ko abenduaren 7tik aurrera erakusketarako prestatuta egon beharko dute erakusleihoek.

Sariak ematerakoan, kontuan hartuko da publizitate-mezuaren imajinazioa, originaltasuna, argiztapena, berrikuntza eta eraginkortasuna, erakusleihoaren kalitatearekin batera.

Erakusleihoetan establezimenduan saltzen diren ohiko artikuluak agertu beharko dira.

  • Partekatu:

Ohiko osoko bilkuran landutako gai guztiak onartu ditu Bergarako udalbatzak

-k Ar, 2020-12-01 12:32-n bidalia

Formatu semipresentzialean egin da bilkura.

Azaroaren 30ean egin du Bergarako udalbatzak azaroko ohiko osoko bilkura. Gai-zerrendako puntu denek egin dute aurrera, eta gehientsuenak aho batez onartu dira.

Besteak beste, aho batez onartu dute udalbatza osatzen duten hiru alderdiek, Frankismo garaiko delituengatik jarritako kereilaren inguruan, Espainiako Auzitegi Konstituzionalak emandako autoa errekurritzea Estrasburgoko Giza Eskubideen Auzitegian. Honela, Bergarakoa izango da auzi honengatik bide hori jorratzen duen lehen udala.

  • Partekatu:

Orriak