Bergarako Udala

Ander Barrusoren "Dantzatzea, oinekin amestea" izendatu dute Bergarako 2025eko Pentekoste Jaietako kartel lehiaketaren irabazlea. Lehiaketak herritarren parte-hartze zabala izan du, guztira 444 bozka jaso direlarik. Herritarrek maiatzaren 9tik 12ra bitartean bozkatu ahal izan dute, eta lehiaketa honek beste behin ere herritarren interesa piztu du, eta parte-hartzaileek beren sormenarekin jaiak iragartzeko aukera izan dute.

Maiatzaren 19tik ekainaren 8ra bitartean ospatuko da Mugiment Pausu Erronka, EAEko Jarduera Fisikoaren Orientazio Zerbitzua (JFOZ) duten 50 udalerrien arteko lehiaketa birtuala. Helburua argia da: herritarrek egunerokoan ahalik eta pauso gehien ematea, osasun fisiko eta emozionala hobetzeko eta jarduera fisikoaren kultura bultzatzeko.

Kukubaso elkarteak eta Bergarako Udalak Jabekuntza Eskolaren egitarauaren baitan antolatutako "EMAKUMEA BERE INGURUAREN ZAINTZAN. LEHEN, ORAIN... ETA GERO ZER?" izeneko mahai-ingurua ospatuko da datorren maiatzaren 22an, osteguna, 18:00etan, Irizar Jauregian.

Bergarako Udalak apelazio-errekurtsoa aurkeztu du Donostiako Administrazioarekiko Auzien 1. Zenbakiko Epaitegiak emandako 73/2025 zenbakiko epaiaren aurka. Epai horrek Greene Waste To Energy S.L. enpresak udal ebazpen batzuen aurka aurkeztutako errekurtsoa onartu zuen. Udalak uste du epaia ez datorrela bat zuzenbidearekin, eta horregatik erabaki du errekurtsoa aurkeztea Euskal Autonomia Erkidegoko Auzitegi Nagusiko Administrazioarekiko Auzien Gelan.

Bergarako Udalak eta Agorrosin Udal Kirol Zerbitzuak uda honetan ere helduentzako kirol eskaintza zabala eskainiko dute, ekainaren 23tik uztailaren 18ra bitartean. Jarduera fisikoa sustatzeko eta udako hilabeteetan aktibo mantentzeko aukera ezin hobea izango da.

Bergarako Udal Pilotalekuak erremonte jaialdi berezi bat hartuko du datorren larunbatean, maiatzaren 24an, arratsaldeko 18:00etan. Ekitaldi honetan goi mailako bi erremonte partida jokatuko dira.

Lehenengo partida Goikoetxea V eta Aiestaran VI bikoteak Gurrutxaga eta Martirena bikotearen aurka jokatuko dute. Partida hau bi set eta hirugarren set labur batez osatuta egongo da: lehen bi setak 15 tantora eta hirugarrena 8 tantora izango dira.

Euskaraldiaren edizio berriari hasiera emateko ekitaldia antolatu da datorren ostegunerako, maiatzaren 15erako, 19:00etan San Martin Agirre plazan.

Euskaraldia, euskararen erabilera soziala areagotzeko helburua duen ekimen herritarra, berriz martxan da. Maiatzaren 15etik 25era izango da laugarren edizioa eta lehenengo egunean 19:00etan egingo den txapa-janzte bateratuan herritar guztiei parte hartzeko deia luzatu zaie.

Halaber, biktimaren senitarteko eta adiskideei elkartasun osoa adierazi nahi die.

Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, maiatzaren 9an,ostiral honetan, 19:00etan, San Martin plazan egingo den elkarretaratzean parte hartzeko deia luzatzen die herritarrei.

Bergarako Udalak Munabeko bidearen hobekuntza lanak abian jarriko ditu Angiozarren, bertako sarbideak hobetzeko eta segurtasuna bermatzeko helburuarekin. Luis Mari Alberdi Agirre aparejadoreak idatzi du lanen proiektu teknikoa, eta guztira 138.220,33 euroko aurrekontua izango dute. Lanak burutzeko epea bi hilabetekoa izango da.

Munabeko bidea, Angiozarko auzotik abiatzen dena eta Munabe izeneko etxeraino doana, hainbat hobekuntza jasoko ditu. Proiektuan hiru tarte nagusi bereizten dira:

Bergarako Udalak jakinarazten du maiatzaren 10ean Gorlako Rally Igoera ospatuko dela, eta horrek eragina izango duela trafikoan herrian.

Aparkaleku eta trafikoaren murrizketak:

·       Aranerreka 2tik gorako aparkalekuak: Aparkaleku horiek libre egon beharko dute, antolatzaileen erabilerarako.

·       Trafiko mozketak: Iriburu kalera ezin izango da kotxez joan 13:30etik 18:30era bitartean.