RSS jarioa

Badator Danbaka-ren 6. edizioa

-k Az, 2024-07-17 15:52-n bidalia

2024a ere Danbaka urtea izango da, bueltan dator-eta Debagoieneko Musika Lehiaketa. Seigarren aldia izango da aurtengoa, eta Bergarako Seminarixoa aretoan egingo da. Lau jaialdi izango dira, urritik abendura, eta final handia, urtarrilean. Debagoieneko musika taldeek hartu ahal izango dute parte. Izena emateko aukera zabalik dago, eta komeni da lehenbailehen izena ematea. Goiena Komunikazio Taldeak antolatuko du aurten ere, Bergarako Udalaren laguntzarekin.

  • Partekatu:

San Martin ikastetxeko aldagelak eraberritzeko lanak hasi ditu Bergarako Udalak

-k Al, 2024-07-15 15:08-n bidalia

San Martin ikastetxeko aldagelak eraberritzeko lanak hasi dira, eta obren martxa ezagutu asmoz, Bergarako Udaleko ordezkariek bisita egin dute ikastetxera.

Lanek hiru hilabete inguruko iraupena izango dute, eta Construcciones Frixi SL-k burutuko ditu 118.652,05 euroko aurrekontuarekin.

Egungo komun eta aldagelen eremua berrantolatuko da bi aldagela kolektibo, garbitzailearentzat aldagela eta komuna eta bi komun irisgarri lortzeko.

  • Partekatu:

Desfibriladore berriak erosi eta zaharkituak berritu ditu Bergarako Udalak

-k Or, 2024-07-12 11:38-n bidalia

Bergarako Udalak desfibriladore berri bat eskuratu du eta zaharkituak zeuden hiru desfibriladore aldatu ditu azken egunetan, herritarren segurtasuna eta ongizatea hobetzeko Udalak daukan konpromisoaren seinale. Izan ere, guztira 10 desfibriladore ditu gaur egun, horietako zortzi herrian sakabanatuta eta beste bi eramangarri, bana udaltzaingoko ibilgailuetan.

  • Partekatu:

Gizarte langile bat aldi baterako kontratatzeko deialdia ireki du Bergarako Udalak

-k Az, 2024-07-10 08:17-n bidalia

Bergarako Udalak gizarte langile bat aldi baterako kontratatzeko deialdia ireki du. Hemen daukazu informazioa:

Espediente zenbakia: 

2024LAAU0015

Deialdiaren xedea: 

Oinarrien xedea da, GIZARTE LANGIL BAT aldi baterako kontratatzeko hautaketa prozesua arautzea.
Kontratuaren iraupena izango da 2024ko uztailaren azken astetik eta azaroaren 5a artekoa.
Lanpostu honek euskararen ezagutzan 4. Hizkuntza Eskakizuna (4.HE) du eta derrigortasun data gaindituta du.
Deialdi honekin ez da lan-poltsarik osatuko.

  • Partekatu:

San Martin ferian postua lortzeko izen ematea ireki du Bergarako Udalak

-k Ar, 2024-07-09 09:01-n bidalia

Irailaren 14an ospatuko den San Martin ferian salmenta postuen zein talo eta odoloste txosnen ustiaketa lortzeko epea ireki du Bergarako Udalak, eta, horretarako, ekoizleek zein interesdunek izena eman beharko dute.

Aurrez aurre (txanda hartuta) ala Internet bitartez eskatu ahalko dira postuak. Bi kokagune nagusi izango dira: alde batetik, Oxirondo plaza barazki, fruta eta gazta ekoizleentzat. Hauekin batera Odolostea dastatzeko postua ere egongo da. Gainera, gainontzeko produktuen saltzaileak ere Oxirondo plazan kokatuko dira aurten.

  • Partekatu:

Bergarako Udal Artxiboak ‘Parte Hartu’ ekimena jarri du martxan

-k Al, 2024-07-08 09:43-n bidalia

Bergarako Udal Artxiboan milaka argazki daude, gehienetan inolako informaziorik gabe. Hori dela eta, udal Artxiboak ‘Parte Hartu’ ekimena jarri du martxan herritarren laguntza jaso eta irudien datuak osatzeko.

"Parte hartu" atalean (https://www.bergarakoartxiboa.eus/eu/node/638348), 15 egunean behin, argazki bat eskegiko dute udal arduradunek. Halaber, datu bilketa errazteko fitxa bat sortuko dute falta den informazioa jasotzeko.

  • Partekatu:

San Kristobal jaietarako taxi zerbitzua erraztuko du Bergarako Udalak

-k Or, 2024-07-05 16:49-n bidalia

San Kristobal jaietan autoaren erabilera murriztu asmoz, Bergarako Udalak taxi zerbitzua eskainiko du herriko taxi gidarien laguntzarekin.

Horrela, erabiltzaileek 5 euro ordainduko dituzte zerbitzu bakoitzaren truke, eta Udalak 9 euro ordainduko ditu.

Hauek dira erabilgarri egongo diren taxiak:
627533457
617429745
699348688

  • Partekatu:

2025eko Udal Egutegirako argazkiak aurkezteko epea ireki du Bergarako Udalak

-k Or, 2024-07-05 09:47-n bidalia

Urtero bezala, 2025eko egutegia ere herriko argazkizaleen argazkiekin hornitu nahi litzateke. Zenbait urtez jarri izan da aurkeztu beharreko argazkientzako gaia baina azken urteetan gaia libre utzi izan da. Hala ere, eta kontuan hartuta, 2025ean Laboratorium museoak 10 urte beteko dituela, proposatzen da urte horretako egutegia museoarekin lotzea. Argazkiak aurkezteko azken eguna irailaren 25a izango da. Hala, beraz, 2025eko egutegirako argazkiak aurkezteko honako baldintzak ezarri dira:

· GAIA: LABORATORIUM. 10. urteurrena.

  • Partekatu:

Orriak