RSS jarioa

Merkealdi azoka egingo dute hilabete amaieran

-k Az, 2023-06-21 15:40-n bidalia

Aurten ere Merkealdi azoka egingo dute herriko hainbat saltokik, eta datorren aste amaieran izango da. Dendariek kalera aterako dituzte salgaiak hiru egunez, hain zuzen, ekainaren 29an, 30ean eta uztailaren 1ean. 

Horrekin batera, hainbat jarduera ere egingo dituzte aste bukaera girotzeko. Horien artean, ostiralean (hilaren 30ean), arratsaldean txaranga bat ibiliko da herriko kaleetan, eta larunbatean (uztailaren 1ean), eguerdian, musika-eskolako trikitilariek girotuko dituzte erdiguneko kaleak. 

  • Partekatu:

Udalaren oharra San Martzialgo kanparen erreserben inguruan

-k Ar, 2023-06-20 12:57-n bidalia

Udalak oharra argitaratu du San Martzialgo kanparen erreserben inguruan. 

Besteak beste, gogorarazi du San Martzialeko jaia dela-eta, bertako ermitan eta inguruko eremuetan udalak mantentze-lanak egin behar izaten dituela azken ordura arte (belarra moztu, guneak txukundu...). Horregatik, kuadrillen guneak zintekin “gordetzeko” dagoen ohitura ezingo da gauzatu datorren ekainaren 30eko 15:00ak baino lehen.

  • Partekatu:

Bizikletak konpontzeko gunea egokitu dute Agorrosinen

-k Ar, 2023-06-20 10:54-n bidalia

Bizikletak konpontzeko gunea egokitu dute Agorrosin Ekintza gunean. Orain arte bizikletak garbitzeko eta gurpilak puzteko zerbitzua zegoen eskuragarri. Joan den ostiraletik, berriz, gunea egokitu dute bizikletak norberak konpontzeko. Dagoeneko martxan dago eta erabiltzaileek giltza eskatu beharko dute harreran.

  • Partekatu:

Oso emaitza onak izan ditu liztor beltzaren tranpatze kanpainak

-k Al, 2023-06-19 13:46-n bidalia

5.704 liztor beltz harrapatu dira horretarako egin den kanpainan. 

2021. urtean hilabetez egin zen, eta aurten bi hilabete iraun du tranpatze-kanpainak. Dena dela, duela bi urteko kopuruaren bikoitza baino gehiago harrapatu da aurten. 

Kanpaina oso positiboa izan da beste batzuekin alderatuta, Erlantz Olabarria Gipuzkoako erlezainen elkarteko kidearen eta Bergarako tranpatzearen ardura izan duen pertsonaren ustez.

Joan den urteko lan-eredu bera mantendu dute aurten ere: 50 tranpa jarri dira herrian zehar banatuta, eta astero egin dute tranpen jarraipena. 

  • Partekatu:

Bilboko emakumearen erailketa matxista arbuiatu du Bergarako Udalak

-k Al, 2023-06-19 12:41-n bidalia

Bilboko Santutxu auzoan gertatu den emakume baten erailketa matxista arbuiatu du Bergarako Udalak. Halaber, biktimaren senitarteko eta adiskideei elkartasun osoa adierazi nahi die. Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, gaur, ekainak 19, astelehena, 19:00etan, San Martin plazan egingo den elkarretaratzean parte hartzeko deia luzatzen die herritarrei.

 

 

  • Partekatu:

Datorren aste bukaeran amaitzen da Hirilur eta Landalur Ondasun Higiezinen gaineko Zergaren 2023ko erreziboak ordaintzeko epea

-k Al, 2023-06-19 09:57-n bidalia

Ekainaren 30ean amaitzen da Hirilur eta Landalur Ondasun Higiezinen gaineko Zergaren 2023ko erreziboak ordaintzeko epea. Maiatzaren 15etik dago zabalik ordainketa egiteko aldia. Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko dituzte ekainaren 30ean.

Informazio osagarri guztia eskuragarri hemen.

  • Partekatu:

Oskar Gaskon eta Juan Unzurrunzaga izan dira onenak Bergarako XXXII. Kirol argazkien lehiaketan

-k Al, 2023-06-19 09:28-n bidalia

Ostiralean banatu zituzten Bergarako XXXII. Kirol argazkien lehiaketako sariak: zuri-beltzeko kategorian Oskar Gaskon izan da onena ‘Criquet’ argazkiarekin; eta koloretan, berriz, Juan A. Unzurrunzaga gailendu da ‘Harrijasotzaille’ irudiarekin. Bi arloetan banatu da Emakumeen saria, eta Soraya Lopezek bereganatu ditu biak, hurrenez hurren, ‘Rollerak Zumaian’ eta ‘Zaldi lasterketa 2’ argazkiekin. 

Horiez gain, zuri-beltzeko kategorian bigarren eta hirugarren sailkatu dira:

·      Agustin Gurruchaga ‘Borobilarekin’ argazkiarekin.

  • Partekatu:

Orriak