webmaster-k Az, 2026-03-18 12:54-n bidalia
Bergarako Udalak jakinarazi du Kontuhartzailetzako kontabilitate administrariaren lanpostua aldi baterako betetzeko hautaketa prozesua jarri duela martxan. Deialdia arautzen duten oinarriak jada argitaratuta daude Udalaren webgunean.
Besteak beste, hautagaiek Batxiler titulua edo titulu teknikoa izatea izango dute parte hartzeko betekizunetako bat.
webmaster-k Az, 2026-03-18 09:26-n bidalia
Bergarako Udalak eta Osakidetzako Debagoieneko ESIak adinekoei erorikoak prebenitzeko tailer berezia antolatu dute apirilaren 21 eta 23rako. Ekimenak San Joxepe elkartearen eta Bergarako Osasun Zentroaren arteko lankidetza biltzen du, eta adinekoen artean gero eta ohikoagoak diren erorikoen arriskuez ohartarazteaz gain, horiek saihesteko tresna praktikoak eskainiko ditu.
webmaster-k Az, 2026-03-18 09:11-n bidalia
Bergarako Udalak jakinarazi du Burdiñateko bidegurutzean, hau da, Barrenkalea eta Masterreka kaleen arteko eremuan, asfaltatze lanak egingo direla. Horren ondorioz, asteazken honetan, martxoaren 18an, kalea guztiz itxita egongo da trafikorako momentu puntualetan, eta Bolu eta Elosu auzoetarako ibilgailuen joan-etorriak Artekalea kaletik bideratuko dira.
Trafikoaren aldaketa hau behar bezala seinaleztatuta egongo da eta lanak burutzen dituen enpresako langileek gainbegiratuko dute uneoro.
webmaster-k Al, 2026-03-16 12:08-n bidalia
Erramu Zapatua ospatzeko, Bergarako Udalak herri kiroletako jardunaldi partehartzaile berezia antolatu du datorren martxoaren 28an, 17:30ean, Seminarioko patioan, harri-jasotzea eta Aizkolaritza modalitateetan.
Aurten lehen aldiz ospatuko da kuadrillen arteko herri kirol saio parte hartzaile hau. Orain arte ordu horretan zezentxoak izan dira, baina aurten, legedia arazoak medio, ekimen honengatik ordezkatuko da.
webmaster-k Al, 2026-03-16 10:20-n bidalia
Bergarako Udalak jakinarazi du 2026. urteari dagokion Trakzio Mekanikoko Ibilgailuen gaineko Zerga ordaintzeko epea martxoaren 2an ireki dela, eta maiatzaren 22ra arte egongo dela zabalik. Udalak azaldu duenez, epealdi horretan zergapeko guztiek izango dute ordainketa egiteko aukera ohiko kanal eta moduetan.
webmaster-k Al, 2026-03-16 09:51-n bidalia
Martxoaren 27 eta 28an ospatuko da aurtengo Erramu Zapatua Bergaran. Herriko kaleak girotuko dituen egitarau oparo eta anitzarekin. Gainera egun berezia izango da larunbatekoa, izan ere euskararen aldeko Korrika Bergaratik igaroko da goizean goiz.
