RSS jarioa

Organo Erromantikoaren XXVI. Nazioarteko Zikloa aurkeztu dute Bergaran

-k Ar, 2025-09-30 10:32-n bidalia

Organo erromantikoaren nazioarteko XXVI. zikloa ospatuko da urriaren 3tik 26ra bitartean, Gipuzkoako hiru herritan: Azkoitian, Bergaran eta Azpeitian (Loiola). Zikloak organoaren musika klasikoa eta garaikidea uztartzen ditu, eta nazioarteko mailako interpreteak bilduko ditu Cavaillé-Coll eta Stoltz Frères organo historikoen inguruan.

Kontzertuak eta lekuak:
• Azkoitia – Amabirjinaren Jasokundearen Parrokia (20:00etan)
• Bergara – San Pedro Eliza (18:30ean)
• Azpeitia – Loiolako Basilika (19:30ean)

  • Partekatu:

‘Nerabeak eta Osasun mentala’ hitzaldia, urriaren 7an, Seminarixoan

-k Ar, 2025-09-30 09:29-n bidalia

Bergarako Udalak, Ortzadar Fundazioaren laguntzaz, "Nerabeak eta osasun mentala" hitzaldia antolatu du. Ekimen hau 12 eta 18 urte bitarteko seme alabak dituzten gurasoei zuzenduta dago, eta helburua da nerabeen garapen emozionala hobeto ulertzen laguntzea, baita gurasoek euren seme alabei babesa eta laguntza eskaintzeko tresnak eskuratzea ere.

  • Partekatu:

Bergarako Udalak kanpoko argiteria berritzeko lankidetza hitzarmena onartu du Mankomunitatearekin

-k Ar, 2025-09-30 09:02-n bidalia

Bergarako Udalak kanpoko argiteria publikoa berritzeko proiektua aurrera eramateko Debagoieneko Mankomunitatearekin sinatuko duen lankidetza hitzarmena onartu du astelehen honetan ospatutako plenoan. Proiektuaren helburua da udalerriko argiteria sistema zaharkitua energia-eraginkorragoa den LED teknologiaz ordezkatzea.

  • Partekatu:

Agorrosingo teilatu berriaren lanak urriaren 20an hasiko dira

-k Al, 2025-09-29 15:00-n bidalia

Bergarako Udalak Agorrosingo kiroldegiko estalkia berritzeko lanak adjudikatu ditu, duela hilabete batzuk izandako ekaitz batek eragindako kalteak konpontzeko helburuarekin. Horrenbestez, igerilekuaren zati bat itxi beharko da lanak burutu ahal izateko. Hauek urriaren 20an hasiko dira, eta lanak otsailera arte luzatzea aurreikusten da.

Agorrosingo abonatu eta erabiltzaileentzako informazioa garrantzitsua igeritokia itxita dagoen bitartean:

  • Partekatu:

Gurasoek Bergarako gaztelekua ezagutzeko ate irekiak antolatu dituzte

-k Al, 2025-09-29 13:10-n bidalia

Bergarako Gaztelekuak ate irekiak antolatu ditu gurasoentzat, gaztelekuaren jarduera eta espazioa ezagutzeko aukera eskaintzeko. Ekimen honen helburua da gurasoek bertatik bertara ezagutzea gaztelekuak eskaintzen dituen baliabideak, dinamika eta gazteen parte-hartzea sustatzeko moduak.

Datak eta Ordutegia:
• Urriak 1 (asteazkena), 17:30 - 19:45
• Urriak 8 (asteazkena), 17:30 - 19:45

Ordutegia malgua izango da, gurasoek euren aukeren arabera parte hartu ahal izateko.

  • Partekatu:

Hamargarren urteurreneko ospakizuna handiro ospatu du Bergarako Laboratorium Museoak

-k Al, 2025-09-29 12:52-n bidalia

“10 urte zientziari ateak zabaltzen” lelopean ospatu du urteurrena museoak. Horixe izan da hasieratik museoaren helburu nagusia: gizarteari eta herritarrei zientziaren unibertsorako ateak parez pare zabaltzea. Zientzia gizarteari hurbiltzea eta gizartea zientzian murgiltzea.

  • Partekatu:

Orriak