RSS jarioa

Bidekurutzeta kalea itxita egongo da irailaren 19an eraikuntza lanak direla eta

-k Og, 2025-09-18 12:19-n bidalia

Bergarako Udalak jakinarazten duenez, Ikerleku 2-4 eta Bidekurutzeta 14 (Novedades izenez ezagutzen dena) eraikinaren eraisketa lanen baitan, irailaren 19an, ostirala, Bidekurutzeta kalea osorik itxita egongo da ibilgailuentzat goizeko 08:00etatik arratsaldeko 14:00etara.

Horrez gain, oinezkoentzat ere itxita egongo da aipatutako ordutegian, Bidekurutzeta 9tik 13ra (biak barne), eraikinetarako sarbidea bermatuta egongo den arren. Lan horiek amaitutakoan, kalea berriro zabalduko da.

  • Partekatu:

Munaortuko bunkerraren ibilbidearen aurkezpena egingo dute Angiozarren larunbat honetan

-k Og, 2025-09-18 11:43-n bidalia

Angiozarreko Goimendi auzoan Munaortuko bunkerraren ibilbide berria aurkeztuko da larunbat honetan, irailaren 20ean. Ekitaldi hau herritarrei memoria historikoa ezagutarazteko eta inguruko ondare historikoa balioan jartzeko helburuarekin antolatu da.

  • Partekatu:

Inguruko Emakumeen Txokoetara bisitak egingo dituzte Bergaran, bertako Emakumeen Txokorako erreferentziak ezagutu asmoz

-k Og, 2025-09-18 11:23-n bidalia

Bergarako Udalak emakumeen ahalduntzea eta sare lana sustatzeko hainbat ekimen antolatu ditu datozen asteetarako. Horretarako, Emakumeen Etxeen inguruko ezagutza handitzeko eta esperientziak partekatzeko bisitak eta gogoeta saioa egingo dira, etorkizuneko Bergarako Emakumeen Txokorako erreferentziak ezagutu asmoz.

Lehenik, hiru bisita antolatu dira Emakumeen Etxeetara: urriaren 3an Zumaiako Emakumeon* Etxera, urriaren 9an Errenteriako Emakumeen Etxera eta urriaren 14ean Arrasateko Emakume Txokora.

  • Partekatu:

Bergarak I. Otxote Topaketa hartuko du, Alai Berri Abesbatzak antolatuta

-k Og, 2025-09-18 11:13-n bidalia

Bergaran izango da 2025eko irailaren 27an, larunbatean, lehen Otxote Topaketaren eszenatokia. Alai Berri Abesbatzak bultzatutako ekimen honen helburua da otxoteen arteko harremanak estutzea, euskal folklorea zabaltzea eta lau ahotsetako kantuen aberastasuna herriko kale eta auzoetara hurbiltzea.

Eguneko egitaraua
Eguna 12:00etan hasiko da, Seminarixoa aretoan eskainiko den kontzertuarekin. Talde bakoitzak lau ahotsetarako moldatutako gehienez lau pieza eskainiko ditu.

  • Partekatu:

Orriak