Irekita Bergarako Udal Euskaltegian etorkinentzako euskara ikastaroetan izena emateko epea

Urriaren 3a izango da izena emateko azken eguna. Ikastaroak Urriaren 8-9an hasiko dira.

Beste behin ere, kanpotik Euskal Herrira bizitzen etorri eta euskara ikasteko interesa duten etorkinentzako euskara ikastaro berezia antolatu dute Bergarako Udalak, Bergarako Udal Euskaltegiak eta HABEk elkarlanean. Honela, euskara ikasten hasteko 60 orduko ikastaro berezi bat eskainiko zaie 16 urte baino gehiago dituzten Euskal Herrira etorri berriei, eurentzako egokitutako metodologia eta materiala erabilita.

Debagoieneko herritarrek Gizarte Politika eta Garapen Ekonomikoa landuko dituzte Gipuzkoako Foru Aldundiko ordezkariekin batera

mailing_eskualdeak copia.jpg
mailing_eskualdeak copia.jpg

Herritarrekin egitasmoaren baitako ekitaldia Arrasaten izango da, irailaren 27an Kulturaten, arratsaldeko 19.00etan. Bailarako herritar guztiak daude parte hartzera gonbidatuta.

Merkatu eta Merkatu Txikia tasen 2012ko hirugarren hiruhileko erreziboak ordaintzeko epea azaroaren 19an bukatzen da

Irailaren 19tik azaroaren 19ra izango da borondatezko diru-sarrera egiteko epea.

Bergarako udalerriko zergapekoei jakinarazten zaie, Merkatu eta Merkatu Txikia tasen 2012ko hirugarren hiruhileko erreziboak ordaintzeko epea irailaren 19tik azaroaren 19ra izango dela.

Helbideratutako erreziboak, baimendutako finantza erakundeetan eta zergapekoak agindutako kontu korrontean zordunduko ditugu 2012ko azaroaren 19an.

Eskulan ikastaroa hasiko da urriaren 3an Angiozarren

Izen-emate epea irailaren 28ra arte dago zabalik Angiozarko liburutegian.

Edurne Uribesalgo irakaslearen gidaritzapean, eskulan ikastaroari hasiera emango zaio urriaren 3tik aurrera Angiozarren. Bertan, zaharberritze lanak, birziklapena, fimoa, marrazketa, etab. landuko dituzte ikasleek.

Ikastaroa asteazkenetan egingo da liburutegian, 14:00etatik 16:30etara bitartean. Prezioa hilean 15 eurokoa izango da eta eskulana egiteko beharrezko materiala parte hartzaile bakoitzak jarriko du.

Irailaren 24an hasiko da Agorroasingo denboraldi berria

Zatoz eta frogatu jarduerak doan! Irailaren 17tik 23ra garbiketak direla eta itxita egongo da Agorrosin. Hala ere, 11etatik 18:00etara nahi duenak informazioa jaso eta izen-eman ahalko du bertan.

Agorrosingo denboraldi berria irailaren 24an hasiko da. Aurten, 16 kirol jarduera ezberdin izango dira; guztira, astean 71 kirol ikastaro ordu eta 1806 plaza eskainiko dira, iazko itxaron zerrendak murrizteko asmoz.

XXII. Kirol argazkien lehiaketa martxan da

Argazki lehiaketarako lanak aurkezteko epea urriaren 3an bukatzen da eta Euskadin bizi den edozeinek parte hartu ahal du. Lehenengo saria 180€takoa izango da.

Bergarako Udalak eta Arizondo argazkizale elkarteak “Kirol argazkien lehiaketa” antolatu dute urtero bezala. Gaia, noski, kirola izango da eta zuri-beltzean zein koloretako argazkiak eta laborategiko edozein teknika prozedura ere onartuko dira.

Lanak, urriaren 3ra arte, Udaletxera bertara eraman beharko dira edo posta-zertifikatuz bidali helbide honetara:

XXXIX. Ageriko pintura lehiaketa irailaren 16an ospatuko da

IrudiaAgeriko.jpg
IrudiaAgeriko.jpg

Lehiaketan nahi duen edonork parte hartu ahalko du, inongo eragozpenik gabe. Parte-hartzaile bakoitzak artelan bakarra aurkeztu dezake.

BEART Bergarako artisten elkarteak XXXIX. Ageriko pintura lehiaketa antolatu du Bergarako Udalaren laguntzaz. Lehiaketa irailaren 16an ospatuko da eta lanak egun bereko 13:00etaik 14:00etara aurkeztuko dira.

Orriak