Gaur, asteazkena, Rojo Telón taldeak 'Haiek naiz' ikuskizuna eskainiko du San Martin plazan, 20:00etan. 'Haiek naiz' ikuskizuna emakumeen alderik intimo eta bereziena adierazteko asmoz sortu zuten Edurne Rodriguezen 'Mujeres al rojo vivo' liburuan oinarrituta. Eta Rojo Telón taldeak lehen aldiz landu du zirkoaren ikuspuntutik.

Ikuskizunak bidaia emozional eta dibertigarria proposatzen du bidea elkarrekin egitea erabakiko duten hiru emakumeren istorioan oinarrituta, emakume sentiberak eta aldi berean borrokalariak direnak.

Ikuskizunean aireko elementuak (trapezio hirukoitza, oihalak...), zoruko akrobazia, akrobazia bertikala, clown teknika, keinu-hizkuntza eta ikuskizun garaikidea uztartzen dituzte, gorputz poesia joku jostagarria bilakatuz.

Arloa: