Koronabirusak eragindako alarma-egoerak herritarrengan sortutako arazoei aurre egiteko Administrazio Zentralak hainbat neurri hartu ditu, eta horien artean daude lanpostua galdu duten edo diru-sarrerak asko murriztu zaizkien pertsonentzako hainbat neurri (kreditu finantzariotan –tartean ohiko etxebizitza erosteko hipotekarekin eskatutako maileguan– kuotak ordaintzeko atzerapena eskatzeko aukera, ohiko etxebizitzaren errenta ordaintzeko laguntza edo langile autonomoentzako gizarte-bonua).

Laguntza horiek eskatzeko, beste agiri batzuen artean, beharrezkoa da etxebizitzan erroldatuta dauden pertsonen errolda-egiaztagiria, aurkezten diren uneari eta aurreko sei hilabeteei erreferentzia egiten diena.

Hori dela-eta, Bergarako Udalak ezohiko prozedura bat onartu du, xede honetarako besterik ez, agiri hori egin eta e-posta bidez helarazteko.

Agiri hori Udalak emateko F0174 inprimakia ( f0174f_inprimakia1.pdf ) beteta eta adinez nagusiak diren denak sinatuta aurkeztu behar da, beraien NANen fotokopiekin batera.

Dokumentu horiek honako helbidera bidali behar dira:

idazkaritza@bergara.eus

Gero, Udalak dokumentazioa jasotakoan, nondik bidali den ikusi eta e-mail horretara bertara erantzunda bidaliko du erroldako agiria.

Zalantzaren bat izanez gero, deitu udaleko 010 telefonora.