Bergarako Udala-k Or, 2021-03-12 10:38-n bidalia
Bergarako ostalaritzaren, ostatuen eta janari-edari banatzaileen sektoreetako enpleguari eta jarduerari eusteko Bergarako Udalaren ezohiko diru laguntzena da asteon argitaratutako bi deialdietako bat. Bigarrena berriz, COVID-19ak eragindako egoerara moldatzeko egindako inbertsioak laguntzeko da. Bietarako martxoaren 31ra arteko epea dago eskera egiteko, udaletxeko b@z zerbitzuan edo modu telematikoan Bergarako Udalaren webgunean.
Lehena COVID-19aren osasun-krisialdia kudeatzeko alarma-egoeraren deklarazioagatik eragin kaltegarria izan dutenei bideratutakoa da (2020 Azaroan itxita edota fakturazioa jaitsita izan dutenentzat). Eskaera egiteko baldintza hauek bete behar dira: Jarduera ekonomikoa Bergarako udalerrian dagoen negozio-lokal batean garatzea eta lokal hori norbanakoei edo kontsumitzaileei zuzendutako produktuak edo zerbitzuak saltzeko helburuarekin erabiltzea ostalaritzakoa edo ostatukoa bada; eta janari edo edari banatzaile sektorekoa bada, biltegia Bergaran izatea.
Hiru atal ditu laguntzak: ostalariena, banatzaileena eta ostatuena. Eskera egiteko bete behar diren baldintzak GAOn kontsulta daitezke.
Bigarren laguntza, Bergarako merkataritza eta ostalaritzako establezimenduetan COVID-19ari aurre egiteko egin beharreko inbertsioei aurre egiteko diru-laguntzak dira eta baldintza hauek betetzen dituztenek jaso ahal izango dute:
-
Txikizkako merkataritza edo ostalaritzako enpresa izatea, eta enpresaren jarduera Jarduera Ekonomikoen Gaineko Zergan eranskineanjasotako multzo, talde edo epigrafeetakoren batean altan egotea.
-
Lan-jardun osoan hamar langile gehienez izatea.
-
Enpresak egoitza soziala eta jardute-eremua Bergaran izatea eta zerbitzua publikoari ematea Bergarako udalerrian duen publikoari irekitako establezimendu baten bitartez.
-
Jarduera ekonomikoen gaineko zergan, Bergaran egotea altan 2020ko martxoaren 14a baino lehen.
Deialdiari buruzko informazioa GAOn.
