Bergarako Udala

Agorrosingo igerileku handiko estalkia konpontzeko enpresa iraila erdialdean adjudikatuko du Bergarako Udalak, eta irailean zehar jakingo da zehazki lanak zein egunetan hasiko diren. Hala ere, eta jakinda lanok udazken aldera hasiko direla, irailean ez da garbiketa asterik egingo. Halaber, igerilekuko erabiltzaileak dagokien momentuan abisatuko dira.

Horren ondorioz, udako igerilekua zabalik mantenduko da astebete gehiago, irailaren 8tik 14ra. Aste horretan, kanpoko igerilekuaren ordutegia berezia izango da: goizeko 11etatik arratsaldeko 7etara.

Bergarako Udalak amaitu du 2025. urteko Gizarte Premiaren Antzematea eta Suteen Prebentzio Programa, 2014. urtetik martxan dagoen eta adineko herritarren ongizatea eta etxeko segurtasuna hobetzea helburu duen ekimena.

Bergarako Udalak San Martin jaietako sokamuturra udaletxeko balkoitik ikusteko aukera eskainiko du irailaren 16ean, 9:00etatik 10:15era bitartean. Horretarako zozketa bat egingo du izena eman dutenen artean irailaren 10an, 12:00etan, eta, ondoren, zozketako irabazleen izenak www.bergara.eus web orrian argitaratu beharko dira. Zerrenda horietako pertsona bakoitza beste lagun batekin etorri ahalko da.

Bergarako Udalak eta BEART Bergarako artisten elkarteak elkarlanean antolatu dute Ageriko 50. Simon Arrieta Pintura Lehiaketa, irailaren 14an, igandea, ospatuko dena. Mende erdiko ibilbidea duen lehiaketa honek artea kalera ateratzeko eta Bergarako paisaia eta giroa sortzaile askoren begietatik irudikatzeko aukera ematen du.

Bergarako San Martin jaiak gero eta gertuago daude, eta horrekin batera danborradako prestaketak martxan daude. Udalak jakinarazi duenez, entsegu guztiak Seminarioko patioan egingo dira, haur eta helduentzako saio bereiziekin.

Haurren entseguak 19:00etan izango dira, honako egunetan:
• Irailak 2, 3, 8, 9, 10 eta 11.

Helduen entseguak 20:00etan izango dira, eta egutegia honela banatuko da:
• Irailak 2: danborrak bakarrik
• Irailak 3: barrikak bakarrik
• Irailak 8, 9, 10 eta 11: guztiok batera

Abuztuan zehar, urtero bezala, Bergarako Udalak TAO zerbitzua etengo du. Horrek herrigunean aparkatzeko dauden ordu-mugak ezabatzen ditu, eta, aldi berean, zenbait egoera berri sortzen ditu, esaterako, autoen egonaldi luzeak herriguneko zenbait puntutan.

Guztiekiko begirunez jokatu asmoz, denbora luzez geldi egotea aurreikusten diren autoak hilerriko eta azokako aparkalekuetan uztera gonbidatu nahi ditu herritarrak, modu horretan abuztuan herriguneko aparkalekuak erabili asmo dituzten herritarrei herrigunean aparkatzea erraztuz.

Bergarako Udalak, kirol instalazioen mantentze lanetan jarraituz, bigarren urtez jarraian kontratatu du Dolmen Holds enpresa, Labegaraietako boulderrean presa guztiak askatu, garbitu eta bide berriak sortzeko lanak egiteko. Aurten ere, hainbat presa berritu eta egokitu egingo dira.

Lan horiek uztailaren 28tik abuztuaren 1era bitartean burutuko dira, eta epe horretan boulderra itxita egongo da. Jarduera horien kostua 8.179 eurokoa da, BEZa barne.

2024-2027 legegintzaldi planaren baitan, Bergarako Udalak herritarren ongizatea, elkarbizitza eta ingurumenarekiko harremana sustatzeko konpromisoa hartu du. Plan horren barruan, 50 imajinazio arnasgune aktibatu eta birpentsatzeko helburua ezarri da, lasaitasuna, elkar ezagutza, alaitasuna, irribarrea, euskara eta ongizatea ardatz hartuta. Horren harira, azken hilabeteetan herriko biodibertsitatea sustatzeko hainbat neurri hartu ditu Bergarako Udalak herriko txoko ezberdinetan.