Bergarako Udala

Bergarako Udalak, 2025-2027 Dirulaguntzen Plan Estrategikoaren baitan, 2025. urterako dirulaguntza programen deialdi irekia abiatu du irabazi asmorik gabeko elkarte eta eragileei zuzenduta.

Udalak deialdi bateratu hau jarri du abian elkarte eta eragileentzako erreferentzia bakarra eskaintzeko asmoz, eta espedienteen prozedura administratiboak arintzeko. Horrela, komunitatearen ongizatearen aldeko lanean diharduten erakundeek bide errazagoa izango dute laguntza ekonomiko horietara iristeko.

Urtero lez, Bergarako Udalak txosna bat jarriko du San Martin Agirre plazan 2025eko ekainaren 6tik 10era, Pentekoste jaiak direla eta. Txosna hau ustiatzeko interesa duten Bergarako irabazi-asmorik gabeko kultur, kirol edo ongintzako elkarteek eskaera aurkezteko aukera izango dute, lehentasuna izango dutelarik kultura, kirola, hezkuntza eta ongintza helburu dituzten herriko taldeek.

Bergarako Udalak liztor beltzaren aurkako kanpaina abiatu du beste urte batez. Aurten ere, apirilaren 30era arte, 50 tranpa jarriko dira udalerriko hainbat puntutan, espezie inbaditzaile honen populazioa murrizteko helburuarekin. Liztor hau Asiako jatorrikoa da eta bertako ekosisteman kalte larriak eragiten ditu, bereziki erle, intsektu eta eltxoen populazioetan.

Laboratorium Museoak ilustrazio zientifikoa balioan jarriko du bere hamargarren urteurrenean. Ospakizunen programaren barruan, ilustrazioari lekua egingo dio bere aldi baterako erakusketen eskaintzan. Azken urteetako bideari jarraipena emanez, EHUko Ilustrazio Zientifikoko masterreko artelanen, ‘Emakumeak botanikan’ eta ‘Iragana Ilustratzen: Mauricio Antón eta paleoartea’ erakusketei testigua hartuko die gaurtik Carles Pucheren “Hitzik gabe dibulgatzea” erakusketak.

Gipuzkoako administrazioarekiko auzien epaitegiak Valogreene auzian udalak emandako pausu batzuk bertan behera utzi ditu behin behinekoz eta auzian interesatutako aldeei helarazi berri die epaia. Alegia, administrazioarekiko auzi-errekurtsoak administrazio-ebazpenak deuseztatzen ditu, (baimen urbanistikoari dagozkionak) eta “ondoriorik gabe uzten dituzte, ez direlako zuzenbidearekin bat datozenak”.

Harixan eta Enpresaren parte hartzen duten hainbat enpresak Euskaraldiarekin bat egin dutela irudikatzeko argazki bateratua atera dute astearte honetan.

Ekimen honen bidez, lan munduan euskararen erabilera sustatzeko duten konpromisoa modu kolektiboan erakutsi nahi izan dute.

Euskaraldiaren laugarren edizioa datorren maiatzaren 15etik 25era bitartean izango da. Herritarrak dira Euskaraldiaren oinarri, baina ekimenak enpresak ere interpelatzen ditu, euskararen biziberritzean funtsezko eragile direlako.

Bergarako Udaleko Euskara Zerbitzuak hiru dirulaguntza mota emango ditu 2024-2025 ikasturtean edota 2025eko udan euskara ikasten ibili direnei edota ikasketa osagarriak euskaraz egin dituztenei.

Bergarako Udalak jakinarazi du igerilekuko teilatuaren konponketa lanak aurreikusitakoa baino azkarrago amaitu direla eta, ondorioz, igerilekua apirilaren 8an, asteartean, berriro irekiko dela ohiko ordutegiarekin.

Halaber, egun horretan bertan igeriketa ikastaro guztiak hasiko dira berriro, Igeriketa Eskola barne.

Bergara prest dago 2025eko Erramu Zapatua ospatzeko, apirilaren 11n eta 12an herriko kaleak girotuko dituen egitarau oparo eta anitzarekin. Apirilaren 11n, ostirala, bertso zaletuek hitzordua izango dute 22:00etan, Seminarixoan, Oihana Iguaran, Beñat Gaztelumendi, Nerea Ibarzabal, Jon Maia eta Onintza Enbeita bertsolariekin osatutako bertso saioarekin. Gai jartzailea Txinbo izango da, eta Kopla Barik bertso-eskola izango du laguntzaile. Sarrera: 8 euro, eskuragarri www.seminarixoa.eus webgunean.

Gipuzkoako Foru Ogasunak jakinarazi du 2024ko errenta aitorpena egiteko epea 2025eko martxoaren 31tik ekainaren 30era bitartean izango dela. Aurten ere, herritarrek aukera izango dute aitorpena euskaraz egiteko, hiru bide nagusien bidez:

1- Ogasunaren proposamena onartuz: Ogasunak bidalitako proposamena jaso ondoren, onartzerakoan adierazi daiteke euskaraz nahi dela. Aurrerantzean, agiri guztiak euskaraz jasoko dira.