Bergarako Udala

Bergarako Udalak aurrerapauso esanguratsuak eman nahi ditu energia eta klima arloetan, eta, horretarako, Tokiko Klima eta Energia Plana onartu du astelehen honetan, apirilaren 29an, ospatutako osoko bilkuran.

Plan honek jasangarritasunean eta energia ‘berdeagoetan’ jartzen du jomuga. Planean 115 ekintza jaso dira eta betetze muga 2030. urtera arte helduko litzateke, horixe baita erreferentziazko urtea bai klima eta energiari buruzko politiketarako eta bai Garapen Jasangarriaren Helburuak 2030 Agendaren baitan lortzeko.

Plan honek bost helburu zehatz izango ditu:

· Su Ta Gar, Janus Lester, Xabi Solano, Raimundo El Canastero, Trikidantz, Unidad Alavesa edota Haize Arrosa taldeen kontzertuak izango dira jaietan.

· Jaietako astelehenean ospatuko den baltsa jaitsiera berreskuratu du Xaxau Konpartsak hamarkada baten ostean.

Maiatza hurbiltzen den heinean, Pentekosteak ere ate joka daude. Hilabeteetako lanaren ondoren, Jai Batzordeak dagoeneko prest dauka aurtengo jaietarako egitaraua, eta, berau aurkeztu asmoz, prentsaurrekoa eskaini dute eragile ezberdinetako ordezkariek.

Bergarako Udalak lizitaziora atera berri du Agorrosingo taberna eta jatetxearen kudeaketa. Kontratua lau urteetarako izango da, eta, gutxienez, Agorrosin zabalik dagoen egunetan taberna irekita egon beharko da. Proposamenak aurkezteko azken eguna maiatzaren 9a izango da.

Hileko gutxieneko alokairua 756,64 eurokoa (BEZa barne) izango da. Lizitatzaileek prezioa hobetu ahal izango dute; alegia, kopuru hori gorantz hobetu ahal izango da.

Mikel Aginagaldek sorturiko ‘Aste ta Jai, Beti Alai’ kartelak irabazi du aurtengo Pentekosteetarako kartel lehiaketa. Guztira, 14 kartel aurkeztu dira, eta herritarren eta epaimahaiaren bozkak jaso eta gero, aipaturiko ‘Aste ta Jai, Beti Alai’ izan da garailea.

Herritarrek apirilaren 22tik 24ra bitartean bozkatu ahal izango dute eta herritarrek emandako bozkek %40 balioa izan dute. Bestalde, epaimahaia Udaleko teknikari ezberdinek, Beart elkarteko kideek eta Jai Batzordeko kide batek osatu dute.

Urteroko ohiturari jarraituz, aurten ere bazkari herrikoi ezberdinak antolatu dira elkarlanean Bergarako Pentekosteetarako. Adin tarte ezberdinei bideratuta, bergarar guztiek gozatu ahalko dute lagun arteko bazkariren batetaz.

Maiatzaren 20an, astelehena, herri bazkaria ospatuko da San Martin plazan 14:30etik aurrera, eta euria eginez gero Seminarioko karpan ospatuko litzateke. Txartelak eskuratzeko aukera apirilaren 29an jarriko da martxan, 18:00etatik aurrera www.seminarixoa.eus helbidean.

Erorikoei aurrea hartzeko tailer batzuk antolatu dituzte Bergarako Udaleko Gizarte-zerbitzuetako Sailak eta Kirol Sailak, Osakidetzaren Osasun-zentroekin eta Eusko Jaurlaritzaren Osasun Sailarekin batera. Tailerrak maiatzaren 14 eta 16an, 16:30 – 18:00 bitartean ospatuko dira Agorrosin gunean, eta bi egunetako saio teoriko eta praktikoak izango dira. 64 urtetik gorako pertsonei eta euren senide edota zaintzaileei zuzenduta daude, erorikoen kopurua gutxitzeko asmoz.

Korrontzi musika taldeak eta Bergarako Moises Aspiazu dantza taldeak ‘K.Dantzan’ ikuskizun berezia eskainiko dute maiatzaren 4ean Bergarako frontoian. Proiektu honen bitartez, 2015.urtean Agus Barandiaran trikitilariak ideiatutako eta zuzendutako proiektua abian jarri zuen: Korrontzi Dantzan.

Eduardo Alsasua artistak ‘Material bisual sentikorra’ erakusketa inauguratuko du ostiral honetan Bergarako Aroztegi aretoan maiatzaren 12ra arte.

Eduardo Altsasuren pintura gaur egungo errealismo piktorikoaren barruan kokatzen da, eta egilearen gertuko errealitatearekin lotuta dago. Izan ere, eguneroko egoera, leku, objektu eta abarretan aurkitzen du inspirazioa. Bere koadroek espazioen, pertsonaien, giroen eta abarren aurrean jartzen gaituzte, eta guztiok horiek bizi izan ditugun sentsazioa ematen digute.

Euskararen Plan Estrategikoa lantzeko prozesuaren barruan, Bergarako Udalak herri-eragileekin bi saio antolatu ditu maiatzaren 6rako eta 29rako. Izan ere, datozen urteetan herrian euskara sustatzeko Plan Estrategikoa diseinatzeko prozesua abiatu du Udalak. Prozesu horren barruan, lehenengo eta behin herritarren iritziak eta ekarpenak jasotzeko galdetegi bat prestatu zen eta galdetegi hori 212 herritarrek erantzun zuten.

Aldi berean, arlo desberdinetako kidez osatutako Kontraste talde orokor bat osatu da eta dagoeneko taldeak egin du lehenengo bilera.

Astelehen honetan martxan jarri da bergararrek aurtengo Pentekosteetako kartela aukeratzeko bozketa herritarra.

Izan ere, Pentekosteak hurbiltzen diren heinean, Bergarako Udalak eta Jai Batzordeak martxan jarri dute urtero ospatzen den esku-programako azala aukeratzeko kartel lehiaketa Proposamenak aurkezteko epea bukatu ostean, guztira 14 kartel aurkeztu dira lehiaketara.