RSS jarioa

Ludoteketako doakotasuna bermatuko du Bergarako Udalak

-k Og, 2024-09-19 13:14-n bidalia

Bergarako ludotekak doakoak izango dira aurrerantzean erabiltzaile guztientzat, Bergarako Udalak ordenantza fiskaletan txertatutako neurri berri bati esker. Hori dela eta, ikasturte honetatik aurrera, herriko edozein umek izena eman dezake ludotekan ezer ordaindu gabe.

Izan ere, ludotekak haurren hizkuntza ohiturak aldatzeko izan dezakeen eragina ikusita eta auzoetako eta herriko haurren inklusioa helburu izanda, 2024rako ordenantza fiskaletan erabaki zen herriko hiru ludotekak –Aidau Haurren zerbitzua, Angiozarko ludoteka eta Osintxuko ludoteka– doako zerbitzuak eskaintzea.

  • Partekatu:

Adinekoen Nazioarteko Eguna ospatzeko egitaraua aurkeztu dute Bergaran

-k Og, 2024-09-19 07:43-n bidalia

Bergarako Udalak eta herriko nagusien elkarte eta eragile ezberdinek egitarau berezia aurkeztu dute urriaren 1ean ospatzen den Adinekoen Nazioarteko Egunaren baitan. Besteak beste, antzerkia, hitzaldia, zinea edota aldarrikapena uztartuko dituzte hurrengo egunetan.

Hemen kontsultatu dezakezu programazioa:

 

Eguna

Ordua

Ekintza

  • Partekatu:

Jabekuntza Eskolaren programazio berria aurkeztu du Bergarako Udalak

-k Ar, 2024-09-17 08:16-n bidalia

Bergarako Udaleko Berdintasun arloak Jabekuntza Eskolaren urte bukaera bitarteko ekimenak aurkeztu ditu. Aurten, besteak beste, sei tailer, hitzaldiak, mahai inguruak edota bi proiektu berri eskainiko dira. Azken horietarako, Berdintasun arloa Udaleko beste arloekin elkarlanean aritu dira, eta elkarlan horretatik sortu dira ‘Emakume migratuak eta Kirola’ eta ‘Gure Artean Euskaraz’ ekimenak.

  • Partekatu:

Bilbon gertatutako erailketa matxista arbuiatu du Bergarako Udalak

-k Or, 2024-09-13 08:20-n bidalia

Halaber, biktimaren senitarteko eta adiskideei elkartasun osoa adierazi nahi die.

Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, ostiral honetan, irailaren 13an, 18:30ean, San Martin plazan egingo den elkarretaratzean parte hartzeko deia luzatzen die herritarrei.

  • Partekatu:

Mugikortasuneko, Turismoko eta Lurralde Antolaketako Departamentuak Bergarako Udalarekin elkarlanean jardungo du Laboratorium museoa ezagutzera emateko

-k Ar, 2024-09-10 11:55-n bidalia

Bergarako Laboratorium Museoak 10 urte beteko ditu 2025ean. Museoarentzat garrantzi handiko urteurrena izango da, eta Bergarako Udalak eta Mugikortasuneko, Turismoko eta Lurralde Antolaketako Departamentuak merezitako ospakizuna eskaini nahi diote. Urteurren hori gogoan, Azahara Domínguez diputatua Bergarako museoan izan da berriki, eta Gorka Artola alkatearekin eta Rosa Errazkin Laboratoriumeko zuzendariarekin bildu da, museoa sustatzeko konpromisoaren berri emateko.

  • Partekatu:

Erasoen aurkako arreta puntua antolatu da San Martin jaietarako

-k Ar, 2024-09-10 09:38-n bidalia

Bergarako Udalak eta herriko mugimendu feministak ‘Aske Maite Haut’ kanpaina antolatu dute asteburu honetan ospatuko diren San Martin jaietarako. Horrela, irailaren 14 eta 15ean eraso matxisten aurrean arreta eta esku hartzeko gunea eskainiko dute Irizar jauregian (Barrenkalea, 33), eta, horrez gain, 747 448 456 telefono zenbakia ere jarri dute eskuragarri.

Bertan, hasierako arreta emozionala eta laguntza, eskubideei buruzko informazio egokia eta aholkularitza, eta autodefentsa feministari buruzko informazioa eskainiko da.

 

ARRETA BALIABIDEAK:

  • Partekatu:

San Martin jaietan Auzotaxi zerbitzua eskainiko du Bergarako Udalak

-k Al, 2024-09-09 11:59-n bidalia

Bergarako Udalak Auzotaxi zerbitzua eskainiko du asteburu honetan, herriko auzoguneetako herritarrek (Angiozar, Ubera, Osintxu, Elorregi, ...) San Martin jaiez gozatu ahal dezaten.

Horretarako, zerbitzua erabili nahi dutenek Ibargarai kaleko taxi geltokira hurbildu beharko dira, edo bestela taxietako telefono zenbakietara deitu. Zerbitzuaren prezioa 14 eurokoa izango da eta Udalak 9 euro ordainduko ditu, gainontzekoa, berriz, erabiltzaileak ordaindu beharko du.

  • Partekatu:

Bergarako udal euskaltegiak matrikulazio epea ireki du

-k Al, 2024-09-09 08:12-n bidalia

Bergarako Udal Euskaltegiak matrikulazio epea ireki du 2024-2025 ikasturterako, eta, hala nahi duenak, izena eman ahalko du irailaren 27ra arte. Eskaintza zabala eskainiko du udal euskaltegiak, izan ere, maila guztietan (A1, A2, B1, B2, C1 eta C2) euskara ikastaro ezberdinak eskaintzeaz gain, alfabetatze ikastaroak zein mintza taldeak antolatuko dira.

Horrez gain, autoikaskuntza ikastaroak ere izango dira, euskaltegira astean behin joan behar izateko, Bukatzeko, etorkinei zuzendutako AISA harrera ikastaroak eta DBHko ikasleentzako euskara errefortzuak eskainiko dira.

  • Partekatu:

Orriak