RSS jarioa

Valogreene Paper-en harira jasotako epaiari buruzko gobernu taldearen iritzia

-k Or, 2025-04-11 10:27-n bidalia

Gipuzkoako administrazioarekiko auzien epaitegiak Valogreene auzian udalak emandako pausu batzuk bertan behera utzi ditu behin behinekoz eta auzian interesatutako aldeei helarazi berri die epaia. Alegia, administrazioarekiko auzi-errekurtsoak administrazio-ebazpenak deuseztatzen ditu, (baimen urbanistikoari dagozkionak) eta “ondoriorik gabe uzten dituzte, ez direlako zuzenbidearekin bat datozenak”.

  • Partekatu:

Harixa eta Enpresare-ko enpresek bat egin dute Euskaraldiarekin

-k Az, 2025-04-09 08:28-n bidalia

Harixan eta Enpresaren parte hartzen duten hainbat enpresak Euskaraldiarekin bat egin dutela irudikatzeko argazki bateratua atera dute astearte honetan.

Ekimen honen bidez, lan munduan euskararen erabilera sustatzeko duten konpromisoa modu kolektiboan erakutsi nahi izan dute.

Euskaraldiaren laugarren edizioa datorren maiatzaren 15etik 25era bitartean izango da. Herritarrak dira Euskaraldiaren oinarri, baina ekimenak enpresak ere interpelatzen ditu, euskararen biziberritzean funtsezko eragile direlako.

  • Partekatu:

Agorrosingo igerilekua apirilaren 8an, asteartean, zabalduko da berriz

-k Al, 2025-04-07 13:09-n bidalia

Bergarako Udalak jakinarazi du igerilekuko teilatuaren konponketa lanak aurreikusitakoa baino azkarrago amaitu direla eta, ondorioz, igerilekua apirilaren 8an, asteartean, berriro irekiko dela ohiko ordutegiarekin.

Halaber, egun horretan bertan igeriketa ikastaro guztiak hasiko dira berriro, Igeriketa Eskola barne.

  • Partekatu:

Orriak