RSS jarioa

Bergarako Eskola Kirolaren Herri Ituna sinatu da, haurren ongizatea eta garapen integrala sustatu asmoz

-k Az, 2025-09-17 08:58-n bidalia

Bergarako Udaletxeko pleno aretoan, Bergarako lehen hezkuntzako ikastetxeek, herriko kirol elkarteek eta Bergarako Udalak Eskola Kirolaren Herri Ituna sinatu dute, udalerriko haur eta nerabeen garapen integrala eta osasuntsua sustatzeko helburu argiarekin.

Itun honen bidez, sinatzaileek konpromisoa hartu dute jarduera fisiko eta kirol hezigarri, osasungarri eta berdinzale bat garatzeko, haurren interes gorena erdigunean jarriz. Bergaran azken urteetan garatu den Multikirol eredua indartzen jarraitzeko borondatea adierazi dute.

  • Partekatu:

Artisten profesionalizazioa eta artearen normalizazioa sustatu zituen Miguel Okina margolariari buruzko liburua bere jaiotzaren mendeurrenean

-k Ar, 2025-09-16 18:36-n bidalia

Miguel Angel Elkoroberezibar ikertzaileak artista bergararraren bizitza, obra eta eragina bildu ditu Miguel Okina 1924-2021. Artea etxeetara iritsi zenekoa liburuan.

Miguel Okina, 4.000 lanen egilea, artistaren duintasunaren eta profesionalizazioaren bultzatzaile izan zen, artearen zabalkundearen eta normalizazioaren sustatzaile.

 

Liburuaren aurkezpena

  • Partekatu:

Urteaga kalea trafikoarentzat zabaldu eta San Antonioko biribilgunean lanak hasiko dira

-k Ar, 2025-09-16 18:25-n bidalia

Asteazken honetan, irailak 17, goizean zehar Urteaga kalea berriro trafikoarentzat zabalduko da Bergaran. Hala ere, San Antonioko biribilgunean lanak hasiko dira egun berean, eta horrek trafikoan eraginak izango ditu.

Antzuolatik Bergarara sarrera normaltasunez egin ahalko da, baina ibilgailu astunek irteera bariantetik (GI-636) egin beharko dute. Mintegi eta Artzamendira joateko, ibilgailu arinek San Migel kaletik pasatu eta Urteaga kaletik igo ahalko dute. Ibilgailu astunek, berriz, GI-636 errepidetik sartu eta Urteaga kaletik joan beharko dute.

  • Partekatu:

Urteaga kaleko bidegorriaren IV. fasearen lanak hasi ditu Bergarako Udalak

-k Al, 2025-09-15 09:21-n bidalia

Bergarako Udalak Urteaga kaleko bidegorriaren IV. Fasearen lanak hasi ditu ostegun honetan. Fase honek San Antonioko biribilgunetik III. fasearen amaiera eta Urteaga kalearen urbanizazio amaierara arteko zatia hartzen du.

Obrak UTE BIDEGORRI BERGARAri esleitu zaizkio, Altuna y Uria SA eta Asfaltos Urretxu SA enpresek osatutako elkarteari.

Proiektuaren lizitazio oinarria 152.969,31 eurokoa izan da (BEZ barne), eta azkenean adjudikatutako aurrekontua 144.250,07 eurokoa da (BEZ barne). Lanek 100.000 euroko dirulaguntza jasoko dute, eta gauzatzeko epea 3 hilabetekoa izango da.

  • Partekatu:

Udalak auzotaxi zerbitzua eskainiko du San Martinetan

-k Or, 2025-09-12 10:47-n bidalia

Bergarako Udalak Auzo taxi zerbitzua eskainiko du irailaren 13 eta 15ean, herriko auzoguneetako herritarrek (Angiozar, Ubera, Osintxu, Elorregi, ...) San Martin jaiez gozatu ahal dezaten.

Horretarako, zerbitzua erabili nahi dutenek Ibargarai kaleko taxi geltokira hurbildu beharko dira, edo bestela taxietako telefono zenbakietara deitu. Zerbitzuaren prezioa 16 eurokoa izango da eta Udalak 9 euro ordainduko ditu, gainontzekoa, berriz, erabiltzaileak ordaindu beharko du.

Kontaktua:
Felix Peralta, taxista. - 699 348 688

  • Partekatu:

Bidekurutzeta kalea itxita egongo da autoentzako irailaren 12an eraiste lanak direla eta

-k Og, 2025-09-11 09:46-n bidalia

Bergarako Udalak jakinarazten du Ikerleku 2-4 eta Bidekurutzeta 14 Novedades izenez ezagunagoa den eraikina eraisteko lanen barnean, irailaren 12an -ostiralean- egingo den eraisketa dela eta, Bidekurutzeta kalea ibilgailuei itxita egongo dela goizeko 8,00etatik arratsaldeko 18,00etara. Eraispena amaitutakoan Bidekurutzeta kalea ireki egingo da. Oinezkoentzako pasabidea bermatuta egongo da, nahiz eta obra batzun momenturen batean puntualki moztu behar.

  • Partekatu:

Sokamuturra udaletxeko balkoitik ikusteko zozketaren emaitzak

-k Az, 2025-09-10 15:34-n bidalia

Bergarako Udalak San Martin jaietako sokamuturra udaletxeko balkoitik ikusteko aukera eskainiko du irailaren 16an, 9:00etatik 10:15era bitartean. Horretarako zozketa bat egin du izena eman dutenen artean. 

Hauek izan dira zozketaren irabazleak:

1

Juanjo Osinaga

2

Hodei Goenaga Gómez de Segura

3

  • Partekatu:

Bergarako Emakumeentzako Jabekuntza Eskolak udazkeneko eskaintza aurkeztu du

-k Az, 2025-09-10 10:58-n bidalia

Bergarako Udalak, Berdintasun Sailaren bidez, 2025eko udazkenean abiatuko du berriro Emakumeentzako Jabekuntza Eskola, urriaren eta abenduaren artean. Ekimen honek emakumeen ahalduntzea, elkartasuna eta ikuspegi feminista sustatzea du helburu, eta horretarako hainbat tailer, solasaldi eta antzezlan eskainiko dira.

Jarduera guztiak doakoak izango dira eta hainbat hizkuntzatan eskainiko dira: euskaraz, gaztelaniaz, frantsesez eta arabieraz.

Tailerrak

  • Partekatu:

Elikaeneak urtebeteko ibilbide emankorra egin du Oxirondo azokaren biziberritzean

-k Az, 2025-09-10 09:47-n bidalia

Duela urtebete ireki zen Elikaenea Bergaran, Oxirondo azoka biziberritzeko asmoz. Urte honetan zehar, herritarren harrera oso positiboa izan da, bai kontsumo aldetik, bai sortu diren aukera berriengatik. Herri-proiektu honek bertako elikadura sistemak indartzea eta herritarren, ekoizleen zein merkatarien beharrei erantzutea du helburu.

Elikaeneak elikadura arloko etorkizuneko erronkei heltzeko bide berriak zabaldu ditu. Kontsumo ohituren aldaketak kontuan hartuta, kontsumitzaile eta ekoizleen arteko zubi lana eta koordinazioa funtsezkoak izan dira egitasmoaren garapenean.

  • Partekatu:

Orriak