Bergarako Udala

‘Elkar mugituz egingo dugu’ lelopean egingo da aurten laugarren Euskaraldia, maiatzaren 15etik 25era. Euskaraldiaren laugarren edizioa izango da, eta data berriarekin dator gainera: udaberri giroan egingo da maiatzaren 15etik 25era bitartean. Entitateek eta norbanakoek izena emateko epea zabalik dute, eta Euskaraldia.eus webgunean dago aukera.

Bergarako Elikadura Mahaiak sustatutako “ekoizpen duina, kontsumo herrikoia” heziketa programa amaitu berri da eta harrera bikaina izan du. Herriko ikastetxe guztiek parte hartu dute, eta 400 ikasletik gora aritu dira 17 saio ezberdinetan (2024ko abendutik 2025eko otsailera).

Bergarako Udalak eta hainbat erakunde eta elkartek Bergara Oinez 2025 egitasmoa aurkeztu dute, herritar guztiei zuzendutako ibilaldi osasungarriak antolatuz. Ekimen honen bidez, 60-90 minutuko ibilaldiak eskainiko dira urte osoan zehar, osasuna sustatzeko eta komunitatea sendotzeko asmoz.

Lehenengo ibilaldia martxoaren 20an izango da, Pol-Pol elkartearen antolakuntzapean. Ondoren, hileko hainbat astetan ibilaldi berriak egingo dira, Agorrosinen hasiera eta amaiera puntutzat hartuta, betiere goizeko 10:00etan abiatuta.

Bergarako Udalak Adinekoen Kontseilua jarri du martxan, herriko adinekoen beharrak eta proposamenak entzuteko eta horiei erantzuteko espazio gisa. Kontseilu honen baitan, bi lantalde sortu dira, bi erronka nagusi lantzeko: Bakardadea eta Bizikidetza Alternatibak.

Bakardadearen aurkako sentsibilizazioa

Bakardadea lantzeko taldea sentsibilizazioaren beharraren inguruan aritu da, adineko askok jasaten duten isolamendu sozialaren aurrean herritarrak kontzientziatzeko. Taldeak kontseiluan ateratako ideia hauek ardatza izan ditu:

Debagoieneko Mankomunitateak energia trantsiziorako bulegoa irekiko du. Hala iragarri dute Dorleta Elkorobarrutiak, Mankomunitateko Lehendakariak, eta Xabier Igartuak, juntako kidea eta Oñatiko zinegotziak.

“Trantsizio energetikoa lehentasuna bilakatu da azken urteetan, eta datozen urteetarako erronka nagusienetako bat izango da. Zentzu horretan, ezinbestekoa ikusi dugu herritarrak informatu eta aholkatzeko zerbitzu publikoa martxan jartzea” adierazi du Dorleta Elkorobarrutiak, Mankomunitateko Lehendakariak.

Bergarako Udal Euskaltegiak, Udaleko Euskara Zerbitzuaren eta Jardun Euskara elkartearen laguntzarekin, Bergarako hitanoa lantzeko 12 orduko ikastaroa antolatu du.

Ikastaro hau dagoeneko euskaraz hitz egiten dutenei zuzenduta dago eta martxoaren 24tik apirilaren 4ra bitartean izango da, Udal Euskaltegian (Barrenkalea, 33 – Irizar jauregia).

Ikastaroaren saioak martxoaren 24an, 26an eta 28an eta apirilaren 2an eta 4an izango dira, 18:30etik 20:30era.

Bergarako udalerriko zergapekoei jakinarazten dizuegu 2025eko lehenengo hiruhileko Merkatu eta Merkatu-txikiko tasen erreziboak ordaintzeko  epea, lekuak eta medioak ondokoak direla:

Epea:

·  2025eko martxoaren 17tik  2025eko maiatzaren 23ra

Lekuak eta medioak:

·  Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko ditugu 2025eko maiatzaren 23an.

Bergarako Udalak Kirol Zerbitzuko Ohorezko Abonatu Txartelaren 2025eko irabazleak iragarri ditu. Sari hauek Bergarako kirol arloan nabarmendu diren pertsonen ibilbidea eta ekarpena aitortzeko helburua dute.

Arrizuri kaleko zuhaitzak berritzeko prozesu bat abiatuko du Udalak ostegun honetan, hainbat urtez jarraian mantentze-lanak egin ondoren. Izan ere, egungo astigarrak (Acer negundo) osasun-egoera larrian daudela egiaztatu da, eta, ondorioz, hauek ordezkatzeko beharra ikusi da.

Bergarako Udalak eta herriko elkarte ezberdinek Emakumeen Nazioarteko Eguna ospatzeko prestatu den egitaraua aurkeztu dute. Martxoaren 8aren bueltan, hainbat ekintza antolatu dira, herritarren parte hartzea sustatzeko eta berdintasunaren aldeko aldarria kalera eramateko.

Ekintzen artean, martxoaren 3an, pentsiodunen mugimenduak agerraldi bat egingo du San Martin plazan, emakumeentzat herri ekimen legegileak dituen onurak aztertzeko. Halaber, martxoaren 6an, Ana Goitiaren “Katana” bakarrizketa izango da Seminarixoan.