Albisteak

Lehiaketan, 3 eta 12 urte bitarteko umeek hartu ahalko dute parte.

San Antonioko gure Ametsa elkarteak Gabonetako postalen lehiaketa antolatu du aurten ere. Bertan, 3 eta 12 urte bitarteko umeek hartu ahalko dute parte, Gabonen inguurko marrazkiak eginez.

Postalen neurria orri laurdenekoa izan beharko da, eta ahal izanez gero kartulinan aurkeztuko dira. Marrazkiaren atzekaldean, partaideen izen-abizenak eta adina zehaztuko dira.

Hitzaldia azaroaren 19an, 17:30ean, egingo da Agorrosin Ekintza Gunean. Sarrera dohainekoa izango da.

Bergarako Udaleko Kirol Zerbitzuak “Sindromes de Sensibilización Centar: FM, SFC, SQM eta EHS” hitzaldia antolatu du, Gipuzkoako Fibromialgia eta Astenia Kronikoko BIZIBIDE Elkartearekin elkarlanean.

Hitzaldia, herritar guztiei eta bereziki horrelako gaixotasunak pairatzen dituzten familia eta herritarrei dago zuzendua. Arantza Alcibar Aldana, BIZIBIDE elkarteko lehendakari anderea izango da hizlaria.

Asfaltatze lanok azaroaren 13an eta 14an egingo direla aurreikusten da.Autobus geltoki batzuk tokiz aldatuko dira egunotan. Horrez gain, Angiozarrera eta Azkarruntzera igotzeko aldaketak izango dira eta zenbait garajetara sarrerak ere itxiko dira ordu batzuez.

Udaletxeak herriko elkarte, erakunde, denda, taberna, eta abarren artean Puntu Lilak banatuko ditu horiek eraikin eta lokaletan jartzera animatuz.

Azaroaren 25ean Emakumeenganako Indarkeriaren Aurkako Nazioarteko Eguna ospatuko da, eta horren harira, Bergarako Udalak Puntu Lila kanpainarekin bat egitera gonbidatu eta animatzen ditu herritarrak.

Beti bezala, ekitaldi ugari aste osoan zehar.

2012/11/10 Larunbata

Erlauntzaren sekretua ipuin musikatua, Bergarako Musika Eskolako abesbatzarekin.

Zabalotegi aretoan, arratsaldeko 18:00etan eta 19:30ean.

Sarrera: doan.

Gorlizko koralaren kontzertua.

Santa Marina parrokian, arratsaldeko 20:00etan.

Sarrera: doan.

Yoga ezagutzen ez duten herritarrentzako doako saio ireki bat antolatu da, azaroak 12an, 18:30etan, Agorrosin Ekintza Gunean.

Ikasturte hasieran, irailean, 5 yoga saio eskaini ziren eta horietatik, 3 talde baino ez ziren osatu. Ondoren, pixkanaka-pixkanaka jendea hurbiltzen hasi da yoga orduengatik galdezka, beraz, berriro, taldeak osatzeko deialdia zabaldu da.

1. urtetik gorakoek parte hartu ahalko dute honakoan.

Noiz?

AL-AZ, 16:00etan, 3 plaza libre daude.

2012ko urriaren 29tik 2012ko abenduaren 29ra izango da borondatezko diru-sarrera egiteko epea.

Bergarako udalerriko zergapekoei jakinarazten zaie, Kioskoak, Ibiak eta Taxiak tasen 2012ko erreziboak ordaintzeko epea, 2012ko urriaren 29tik 2012ko abenduaren 29ra izango dela.

Helbideratutako erreziboak, baimendutako finantza erakundeetan eta zergapekoak agindutako kontu korrontean zordunduko ditugu 2012ko abenduaren 29an.

Bergarako Udalak Angiozarreko auzotarrekin batera prestatutako ekimena da.

Gaur egun, gutxi hitz egiten dugu Herio Andereari buruz gure artean, gure gizartean.

Herioarekin lotutako “ospakizunei” dagokienean gehienok Domu Santu Eguna besterik ez dugu ezagutu... nahiz eta pixkanaka Halloween jaia ere gure ingurura zabaltzen ari den. Azken honekin, gainera, heriotza bera ere ia haur-jolas bihurtuta.

Irizar Jauregiko aretoan egingo da bilera urriaren 30ean, arratsaldeko 6:30etan.

Dakizuen bezala, urtero, abenduaren 3an Euskaren Eguna dela eta ekitaldi ugari egiten dira Euskal Herri osoan zehar gure hizkuntza aldarrikatzeko.

Horregatik, aurtengo Euskararen Egunerako Bergaran egingo diren ekimenen antolaketan parte hartu nahi dutenek urriaren 30ean, arratsaldeko 6.30etan, Irizar Jauregiko aretoan egingo den bilerara hurbiltzeko deialdia egiten dugu.

Ekitaldi ugari aste osoan zehar.

2012/10/24 Asteazkena

Zine-kluba. Zine-zikloa: Historikoak: El discurso del rey (T.Hooper).

Zabalotegi aretoa 20:00

Sarrera: 3€

2012/10/26 Ostirala

Getxoko antzerki eskolaren Noche de reyes o como quieras antzezlana.