Bergarako Udala

Domeka Azoka elkartrukea, berrerabilera eta artisautza sustatzeko merkatua da. Hile birik behin antolatzen da, hileko 3. igandean.

Gero eta arrakasta handiagoa izaten ari den azoka da Domeka Azokakoa.

Otsailean, kontuan izanik 3. igandeak aratusteekin bat egiten duela, astebete atzeratu da. Horregatik, otsailaren 22an ospatuko dugu.

Merkatua goizeko 11:00tik 14:00ra izango da San Martin plazan, euria egiten badu, arkupeetan.

Erramu Zapatuko feria dela eta, 2015eko martxoaren 28an, bi txosna jarriko dira: bat, San Martin edo Munibe plazan eta bestea Seminarioko patioan. Bi txosna horietako bakoitzaren esplotazioa arautuko duten baldintza pleguak urtarrilaren 21ean onartu ditu Bergarako Udalak.

Hori dela eta, idatzi honen bitartez interesa duzuen Bergarako irabazi asmorik gabeko entitate edo elkarteei jakinarazten zaizue eskaerak aurkezteko epea 2015eko otsailaren 20an, 13:00etan bukatuko dela.

Eskaera orriak eta Baldintzen Plegua Idazkaritzan edo hemen bertan atxikituta dituzue eskuragarri.

Urtero lez, Bergarako Gaztelekuak eskiatzera irteera antolatu du Otsailak 28rako. Interesatuta egonez gero, otsailak 23a baino lehen eman izena Gaztelekuan edo Jardun Elkarteko bulegoan (liburutegi azpian). Joan-etorria egun berean egingo da eta prezioak ondorengoak dira: 24€ (irteera eta forfaita), 37€ (irteera, forfaita eta eskiak) edo 42€ (irteera, forfaita eta snow-a).

Bergarako Hirigune Historikoan kokatuta eta erdi aroko diseinua duen zonalde honetan irisgarritasuna hobetzeko, Bergarako Udalak urbanizazio proiektu bat diseinatu du. Proiektu honen aurrekontua 110.000 eurokoa da eta, horretarako, Eusko Jaurlaritzako diru-laguntza jasotzea aurreikusten da.

Aktuazio honetan azaleko lana buruko da, nagusiki. Orain arteko azpiegiturak mantendu egingo dira baina euri uren kanalizazioa eta kable elektrikoak sartzeko instalazioa egingo dira.

         Udal Gobernuak eta EAJ alderdiak adostutako adierazpen instituzionala

Obra eta Zerbitzuburu plaza betetzeko deialdiaren barruan aurreikusitako ariketa praktikoa honako toki eta egunean egingo da:

-           Tokia: Bergarako udal liburutegian. Kultur Etxean.

-           Eguna: 2015/01/22.

-           Ordua: 08:00etatik aurrera.

Aldi baterako gizarte teknikaria kontratatzeko deialdiaren barruan, jakitera ematen da lehenengo ariketako bi frogak (teorikoa eta praktikoa) egun berean eta jarraian egingo direla. Behean aipatutako toki eta egunean:

-           Tokia : Bergarako UNED-en egoitzan. San Martin de Agirre plaza.

-           Eguna: 2015/01/22.

-           Ordua: 09:00etatik aurrera. 

Bergara, 2015eko urtarrilaren 14a.

Aurreko urteetan bezala, Bergarako Udaleko Euskara Zerbitzuak eta Udal Euskaltegiak, Jardunen laguntzarekin, bertako euskara lantzeko ikastaroak antolatu ditu, berba egiterakoan egiten diren akatsik ohikoenak lantzeko.

10 orduko ikastaroak dira, ordu eta erdiko saioetan banatuta daude, 8 laguneko taldea osatu ahala jarriko da habian ikastaroa. Ikastaroak aurretik ere egin direnez hasieratik hasi daiteke edo aurrekoen jarraipena landu.

Beart elkarteak, urteroko ohiturari jarraituz, bere bazkideen erakusketa antolatu du Aroztegi Aretoan. Erakusketa Simon Arrietaren Mendeurrenaren ospakizunetako lehen ekintza da.

Beart-eko erakusketa honek 45 autore inguru biltzen ditu urtero eta aurten ere beste hainbeste biltzea espero dute antolatzaileek.

Erakusketa honen berezitasun bat da artista kontsagratuak eta hasiera faseetan daudenak guztiak elkarrekin erakusten dituztela sortutako lanak.

Bergarako Udalak, programa propioa garatu du herriko etxebizitzen alokairua bultzatzeko asmoz. 

Programa propio honen bitartez etxea alokairuan hartu edo ematea nahi dutenentzat, web orrialdean atal berezi bat garatu du http://www.bergara.eus/etxebizitza/

Parte hartzea nahi duen edonork jo dezake orrialdera, bai alokatze prozesua hasteko, bai informatzeko.