Bergarako Udala

2024ko urtarrilaren 15ean emandako dekretu baten bitartez Bergarako udaleko alkateak erabaki du lehiaketa-oposizio irekiaren bidez aldi baterako izendapen premiei erantzungo dien ARKITEKTOEN lan-poltsa osagarria osatzeko presazko deialdia egitea eta hau arautzen duten oinarriak onartzea (Espediente zenbakia: 2024LAAU0001).

Oinarriak eta deialdiaren informazioa Bergarako udaleko web orrian argitaratu dira (www.bergara.eus) “udal lan eskaintza” atalean.

Eskabideak aurkezteko epea 2024ko otsailaren 9an bukatuko da.

Elgetan egin du Debagoiena 2030 ekimenak bulego berriaren aurkezpena, energia-komunitateetako, udaletako eta energiaren inguruan lanean ari diren hainbat eragiletako ordezkariekin batera. Aurkeztu berri den bulegoaren bitartez energia-komunitateen sustapenerako informazioa eta bidelaguntza eskainiko da. Proiektua garatzeko, Next Generation eta IDAEren laguntzak jaso ditu ekimenak.

Bulegoaren baitan lan-ildo desberdinak egongo dira:

Bergarako Udalak eta Enpresare elkarteak hitzarmen berria sinatu dute 2024. urterako, 2022. urtean hasitako proiektua garatzen jarraitzeko asmoarekin. Asteazken honetan sinatu dute hitzarmena Bergarako alkate Gorka Artolak eta Enpresare elkartearen lehendakaria den Alain Vivasek.

Enpresare Elkartea 2021ean erakunde bezala eratu zen eta gaur egun egiten ari diren jardueren jarraipena beharrezkoa ikusi dute bi aldeek. Proiektua eta enpresa foroak martxan daude eta baita enpresekin lan taldean partekatutako eta bakarka jorratzen ari den ibilbidea ere.

Urtarrilean berriz zabaldu dugu BERRIKETAN egitasmoan izena emateko aukera.

· Zer da BERRIKETAN?
Euskaraz hitz egiteko ohitura dutenak eta euskara praktikatu nahi duten pertsonak elkartzeko eta hitz egiteko egitasmo bat da.
Doan da eta astean behin talde txikietan euskara praktikatzeko aukera eskaintzen du.

Bergarako Ndank-ndank elkarteak, Bergarako Udalarekin batera, ‘Kulturartekotasuna Hezkuntzan’ jardunaldiak antolatu ditu. Bergarako Udala herriko ikastetxeekin batera herri mailako hezkuntza formal eta ez formalean ematen den segregazioaren inguruko lanketa egiten hasi zen 2022an.

Jardunaldi hauek orain arteko lanketarekin jarraitzeko bidea emango dute, eta beste herri batzuetan gaia lantzeko bidea eman dezakeela uste dute antolatzaileek, batez ere irakaslegoaren artean.

Urtarrilaren 25ean, osteguna, arratsaldeko 18:30etan, NOIZKO BASOA film laburra ikus ahalko dugu Seminarixoan. Pasa den abenduan Bilboko Mendi Film Festibalean euskarazko film onenaren saria jasotako film labur honek Ea-ko herritar batzuek bertako lursail bat berreskuratzeko egindako lanaz jardungo du.

Ondoren, eta hari honi tiraka, Ean eta Bergaran udal mailan, eta herritarron partaidetzarekin, basogintzan eta ingurumenarekin lotutako beste arlo batzuetan egindako eta egiteko ibilbideez arituko gara.

Bergarako Udalak 2024rako Aurrekontuak onartu ditu astelehen honetan ospatutako ezohiko osoko bilkuran, EH Bilduko 10 zinegotzien aldeko bozkarekin eta oposizioaren aurkakoekin. Guztira, 33.411.085 euroko aurrekontu bateratua izango du aurten Bergarako Udalak ohiko gastuetarako eta inbertsioetarako. Modu horretara, aurtengo inbertsio nagusiak gauzatzeko beharrezkoa den tramitea gainditu du gobernu taldeak, eta, horri esker, aurten sei milioi euroko inbertsioak egin ahalko ditu, iazko inbertsio gaitasuna handituz.

Irakaslea: Gorka Lobato
Eguna: Otsailak 6
Ordua: 18.30
Lekua: San Antonioko Gure Ametsa Elkartea
DOHAINIK
Izena ematea: Izena emateko epea Urtarrilak 31ra arte hemen: https://bergara.eus/eu/node/17885
OHARRA: Gehienez 15 lagunek parte hartu ahal izango dute (Bergaran erroldatuta daudenek lehentasuna izango dute ) eta beharrezkoa izanez gero zozketa egingo da izena emandakoen artean.

Astebukaera honetarako tenperatura baxuak iragarri dituzte. Hori dela eta, hainbat iturri itxita egongo dira gaurtik astelehenera arte hotzak eragin ditzakeen balizko kalteengatik. Hauek dira itxita egongo diren iturriak:

Asfaltatze lanak bukatzeko ezinbestekoak diren lanak burutzeko, Ibargarai kaleko (ertzain etxearen) ondoko GI-627 errepiderako irteera moztuta egongo da 2024ko urtarrilaren 22tik 27ra, biak barne.

GI-627 errepidetik Ibargarai kalerako sarrerak normaltasunez egin ahalko dira bi norabideetatik (Soraluzetik etorrita edo Arrasatetik etorrita).

Emergentzia zerbitzuen irisgarritasuna bermatuta egongo emergentziagatik bertatik pasatu beharko balirateke.