Bergarako Udala

Bergarako udalerriko zergapekoei jakinarazten dizuegu 2023ko laugarren hiruhileko Zabor, Estolderia eta Uraren tasen erreziboak ordaintzeko epea, lekuak eta medioak ondokoak direla:

Epea:
2024ko urtarrilaren 11tik 2024ko martxoaren 11ra

Lekuak eta medioak:

· Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko ditugu 2024ko martxoaren 11n.

Bergarako Udaleko Euskara Zerbitzuak lau dirulaguntza mota emango ditu 2023-2024 ikasturtean edota 2024ko udan euskara ikasteko edota ikasketa osagarriak euskaraz egin dituztenei.
• “Haur eta Gazteen Aisialdi Jardueratarako Begirale zein Zuzendari” titulua euskaraz lortu dutenentzako dirulaguntza.
• Bergarako Udal Euskaltegitik kanpo euskara ikasten duten bergararrentzako dirulaguntza. Beste euskaltegi batean edo barnetegian ikasten dutenentzako laguntza da, izan ere Bergarako euskaltegian ikasten dutenentzako laguntzak euskaltegitik bertatik ematen baitira.

Bergarako Udalak Bilboko Euskalduna Jauregian eta Guggenheim Museoan ospatuko den 'Languages Lanean. Hizkuntza kudeaketaren erronkak jarduera ekonomikoan' kongresuan parte hartuko du herriko enpresagintzan euskara hedatzeko garatutako ‘Harixa’ ekimena aurkezteko.

Bergarako Udalak Kirol Zerbitzuko Ohorezko Abonatu Txartelaren Sariaren izen ematea ireki du urtarrilaren 19ra arte. Sari hau 2023an hainbat bergararrek kirolaren alde egin duten edo aurretik egin izan duten lana eskertzeko, edota kirol arloan lortutako emaitzak saritzeko helburuarekin antolatu da.

Bergarako Udalak herriko komertzioetako Erakusleiho Lehiaketa antolatu du beste urte batez, eta aurtengoa Matxiategi 1 kalean kokatuta dagoen Gorosti Loradendak irabazi du (350€).

Bigarren saria, berriz, Barrenkale 35 kaleko Wood Uhuruk bereganatu du (300€). Azkenik, Zare Frutadendak (Irizar Ibilbidea, 3) lortu du hirugarren saria (200€). Gainera, Herritarren Saria Wood Uhuru-k irabazi du. Bukatzeko, 104. zenbakia izan da saritua. Guztira 175 herritarrek parte hartu dute bozketan.

Sari guztiak Udal Bonoetan banatu dira, Bergarako komertzioetan gastatzeko.

Bergara eta Antzuola batu nahi dituen bidegorriaren lehen fasea bukatu berri duela iragarri du asteon Bergarako Udalak. Ibargaraiko autobus geltokitik Urteagara arteko tramoko obraren lehen fasea amaituta, 2024ean bigarren faseari ekingo dio Udalak, eta horretarako 350.000 euroko diru partida txertatu du hurrengo urterako Aurrekontu Proiektuan.

Astelehen honetan ospatutako osoko bilkuran, Bergarako Udalak Osintxuko plazan dagoen Txuringo taberna eta baju horretan dagoen lokala erostea onartu du, Osintxu biziberritzeko planaren baitan. Neurri honekin Udalak bertakoentzako ezinbesteko zerbitzua eta kohesiorako elkargunea izango den proiektua garatu nahi duela nabarmendu du gobernu taldeak udalbatzan.

Urteko azken osoko bilkura ospatu du astelehen honetan Bergarako Udalak, eta bertan, besteak beste, Bergarako Itsasmendiko basoan Udalak eta Gipuzkoako Foru Aldundiak burutu nahi duten lehengoratze ekologikorako proiekturako hitzarmena onartu du lehenak.