Bergarako Udala

Estatu espainiarretik eta Euskal Herritik iritsitako 20 bat gaztek ‘Auzolandegiak’ burutuko dituzte Bergarako Mizpirualde adinekoen egoitzan.

Abuztuaren 1etik 14ra bitartean, topaketa hauek belaunaldi ezberdinen arteko dinamikak indartzeko balioko dute. Astearte honetan proiektuaren partaideek aurkezpena egin dute egoitzan bertan, eta, bide batez, elkar ezagutzeko aukera izan dute.

Abuztuan emango den hiri barruko garraio-zerbitzua (Herribusa, urbanoa) :

1.- Astelehenetik ostiralera bitarteko lanegunetan emango da, honako ordutegian:
Goizez: 9:35etik 13:45era
Arratsaldez: 18:35etik 20:00etara

2.- Abuztuaren 05, 12, 19 eta 26a (larunbatak): 9:35tik 13:00etara

3.- San Juanen ez da zerbitzurik emango.

Maritxu Intxausti eta Olatz Irigarai artistek ‘Basati’ erakusketa eskainiko dute Aroztegi aretoan uztailaren 28tik abuztuaren 31ra bitartean.

ORDUTEGIA:
Asteartetik ostiralera: 18:00 – 20:30
Larunbatetan: 12:00 – 14:00 / 18:00 – 20:30
Igande eta jaiegunetan: 12:00 – 14:00

Obrak bukatuta, Bergarako Udalak Labegaraietako ur txorroten parkea ireki berri du. Gauzak horrela, ur jolasen bigarren parkea izango du asteburu honetatik aurrera Bergarak, Agorrosingo kanpoko igerilekuetako espazioari Labegaraietako kiroldegi ondoko lurretakoa gehituko baitzaio. Sarrera librekoa izango da azken hau.

Udal gobernuak bere Legegintzaldi Planean aurreikusitako proiektua izan da ur txorrotena, bergararren eskaerei erantzunez. Lanak bi hilabetez luzatu dira.

Irailaren 15ean ospatuko den San Martin jaietako helduen danborradan parte hartzeko deia egin du Bergarako Udalak, eta horretarako izen ematea ireki du dagoeneko. Parte hartu nahi duten taldeek irailaren 1a baino lehen eman beharko dute izena, hurrengo informazioa jakinaraziz:
-Parte hartuko duen taldearen izena.
-Taldekide kopurua (Gutxienez 20 lagun / gehienez 36).
-Taldeak danborra ala barrika joko duen.
-Taldeko zuzendariaren kontaktua: izen abizenak eta telefonoa.

Bergarako Udalak irailaren 9an ospatuko den San Martin feriarako prestaketa lanekin aurrera dihardu. Hori dela eta, dagoeneko ireki da epea egun horretan talo eta odoloste txosnak ustiatzeko izena emateko. Bi kasuetan, izena emateko azken eguna uztailaren 26a izango da.

Bergarako Udalak figura politiko berri bat txertatuko du bere organigraman, azken legegintzaldian barne antolaketa mailan egindako aldaketetan sakontzeko. Astelehenean ospatuko den Osoko Bilkuran onartuko da berrikuntza hau, Udalak herriko eragile zein herritarrei eskaintzen dien zerbitzuetan hobetzeko bokazioarekin.

Bergarako Udaleko Euskara Zerbitzuak hiru dirulaguntza mota emango ditu 2022-2023 ikasturtean edota 2023ko udan euskara ikasteko edota ikasketa osagarriak euskaraz egiteko.

Alde batetik, Bergarako Udal Euskaltegitik kanpo euskara ikasten duten bergararrentzako dirulaguntza kaleratu da. Beste euskaltegi batean edo barnetegian ikasten dutenentzako laguntza da, izan ere Bergarako euskaltegian ikasten dutenentzako laguntzak euskaltegitik bertatik ematen baitira.

Irailaren 9an ospatuko den San Martin ferian postua lortzeko epea ireki du Bergarako Udalak, eta, horretarako, ekoizleek izena eman beharko dute uztailaren 21era arte. Aurrez aurre (txanda hartuta) ala Internet bitartez eskatu ahalko dira postuak, eta horretarako hurrengo loturan eskatzen den dokumentazio ezberdina aurkeztu beharko da: https://labur.eus/mattI

Udalerrien arteko ezagutza eta esperientzien trukea sustatzeko ahaleginean, Joana Mendiburu Garaiar Oiartzungo alkateak eta Garazi Urdampilleta Astibia alkateordeak bisita egin dute Bergarako udaletxera. Bisita honen helburu nagusia Bergarako toki administrazioaren antolaketa eta kudeaketa bertatik bertara ezagutzea izan da, Oiartzunen ezar daitezkeen kudeaketa eredu berriak identifikatzeko.