KAFE KONPON EGITASMOA

Bergarako Udalak KAFE KONPON egitasmoa jarriko du martxan. Egitasmo honen helburua berrerabilpenaren filosofia zabaltzea da. Normalean, etxean ditugun elektratresna txikiak (sikagailua, plantxa...) hondatzen direnean bota eta berriak erosten ditugu.
Bada, egitasmo honen helburua bertaratzen direnen artean jendeak eramaten dituen traste zaharrak konpontzea eta berrerabiltzea da. Guztia kafe goxo baten inguruan.
Horretarako herriko hainbat "manitas-txapuzas"-ekin harremanetan jarri da udala, eta egia esan harrera ona izan du egitasmoak.

Irabazi-asmorik gabeko kultura talde eta elkarteentzako diru-laguntzak azaroaren 1etik aurrera eskatu ahalko dira

Eskaerak 2013ko azaroaren 1etik 29ra bitartean aurkeztu beharko dira, astelehenetik ostiralera, 9:00etatik 13:00etara, Udaletxeko Erregistro Orokorrean.

Bergarako irabazi-asmorik gabeko kultura talde eta elkarteek 2013an garatuko dituzten jarduera eta ekintzetarako diru-laguntzak jasotzeko eskaerak egin ahalko dituzte azaroaren 1etik aurrera.

Identifikatu gabeko bi behor agertu dira Elosua auzoan

Hilabeteko epean inork erreklamatu ezean, Udalak hartuko du hauen jabetza.

Elosua auzoan abandonatutako eta identifikatu gabeko bi behor atzeman dira eta orain arte inork ez du hauen jabetza erreklamatu. Egoera honen aurrean, Udalak Dekretu bidez erabaki du 30 egun naturaleko epea ematea (iragarki ofiziala Gipuzkoako Aldizkari Ofizialean argitaratzen denetik kontatzen hasita) bi animaliok erreklamatzeko.

Dagoeneko 250 lagun inguruk eman dute izena erreka garbitzeko. Parte hartu!!

Urriaren 13an izango da Deba Ibaiaren garbiketa. Parte hartzeko aurrez izena ematea beharrezkoa da.

Datorren urriaren 13an, Erreka Eguna dela eta, Deba Ibaia auzolanean garbituko dugu Bergaran, zehazki, Epeletik Osintxurako tartea. Garbiketarako erreka hainbat ataletan banatuko dugu eta, boluntarioak taldeka antolatuta, talde bakoitzari erreka zati bat garbitzea egokituko zaio. Lan-talde bakoitzak beharrezko material guztiak izango ditu zeinak Bergarako Udalak jarriko dituen.

Bergarako Udal Gobernuak Hondakinen Mahaian eramaten ari zen negoziaketarekin bukatzea erabaki du; tamalez ez gara adostasunera iritsi

Erabaki honen arrazoi nagusia mahaiaren progresiorik eza izan da.

Ezaguna denez, igaro den ekainean Hondakinen Mahaia eratu zen. Bertan parte hartu dugu Bildu eta Aralarrek, Bergara Zero Zabor taldeak, PNV eta PSE alderdiek eta Bergara Garbia plataformako kideek. Mahaiaren hasierako helburua hondakinak biltzeko sistema adostea izan zen; izan ere, alde guztiok ikusten genuen gehiago birziklatzeko beharra, eta abiapuntu komun honek animatu gintuen aurrera egitera.

Orriak