Dagoeneko 250 lagun inguruk eman dute izena erreka garbitzeko. Parte hartu!!

Urriaren 13an izango da Deba Ibaiaren garbiketa. Parte hartzeko aurrez izena ematea beharrezkoa da.

Datorren urriaren 13an, Erreka Eguna dela eta, Deba Ibaia auzolanean garbituko dugu Bergaran, zehazki, Epeletik Osintxurako tartea. Garbiketarako erreka hainbat ataletan banatuko dugu eta, boluntarioak taldeka antolatuta, talde bakoitzari erreka zati bat garbitzea egokituko zaio. Lan-talde bakoitzak beharrezko material guztiak izango ditu zeinak Bergarako Udalak jarriko dituen.

Bergarako Udal Gobernuak Hondakinen Mahaian eramaten ari zen negoziaketarekin bukatzea erabaki du; tamalez ez gara adostasunera iritsi

Erabaki honen arrazoi nagusia mahaiaren progresiorik eza izan da.

Ezaguna denez, igaro den ekainean Hondakinen Mahaia eratu zen. Bertan parte hartu dugu Bildu eta Aralarrek, Bergara Zero Zabor taldeak, PNV eta PSE alderdiek eta Bergara Garbia plataformako kideek. Mahaiaren hasierako helburua hondakinak biltzeko sistema adostea izan zen; izan ere, alde guztiok ikusten genuen gehiago birziklatzeko beharra, eta abiapuntu komun honek animatu gintuen aurrera egitera.

Etorkinentzako AISA euskara ikasteko ikastaro berezia

Ikastaro berezi honek 60 ordu izango ditu eta doakoa izango da %85eko asistentzia izaten dutenentzako. Izena emateko epea urriaren 2ra arte dago irekita; ondoren, ikastaroa urriaren 7an hasiko da.

Kanpotik etorri eta euskara ikasteko interesa duten guztiek eskaintza berezi bat dute kurtso hasiera honetan AISA ikastaroen bidez; izan ere, euskara ikasten hasteko 60 orduko ikastaro berezi bat antolatu da Bergarako Udalaren eta Udal Euskaltegiaren artean, HABErekin elkarlanean.

Langabetuek matrikularen erdia ordainduko dute Bergarako Udal Euskaltegian

Tarifa soziala ere izango da gutxieneko diru sarreretara iristen ez diren herritarrentzako. Matrikula egiteko epea hilaren 26ra arte egongo da zabalik.

Bergarako Udal Euskaltegiak dagoeneko erabaki du zein izango diren 2013-14 ikasturtean ikasleei emango dizkien diru-laguntzak. Ikasturte amaieran egin ohi dituen diru-itzulketez gain, azpimarratzekoa da, aurten, langabetuek matrikularen erdia solik ordaindu beharko dutela euskara-ikastaroa egitearren.

Bergarako Udal Gobernu Taldeak Deba Ibaian izandako isurketa salatzen du

la foto.JPG
la foto.JPG

Gipuzkoako Ur Agentziak isurketaren jatorria aztertzen dihardu, arduradunaren aurka dagozkion neurriak hartzeko.

Irailaren 17an isurketa izan zen Deba Ibaian. Ibaiak Mekolalde inguruan zekarren kolorea ikusita, Gipuzkoako Ur Agentziara jo zuen Bergarako Udalak egoera aztertzeko eta ustezko isurketak eragindako kalteak zehazteko.

Orriak