Albisteak

Urtarrileko Kultura gida ekintzaz beterik dator.

Ikus Kultura gida hemen

Patinak eta babesak eramatea derrigorrezkoa izango da.

Urtarrilaren 3an, Labegaraietako kiroldegian Hanka Labanka taldeak antolatutako Gabonetako I. patin gaineko 4x4 hockey torneoa jokatuko da. Bertan, 1999 eta 2004 urteen artean jaiotakoek parte hartu ahalko dute.

Izen emateak Agorrosin edota Kiroldegietan dauden kutxetan sartu beharko dira, abenduaren 27a baino lehen.

Aerodance taldean 14 urtetik gorakoek parte hartu ahalko dute. Abonatuek 18.82 € ordaindu beharko dituzte hilean eta ez abonatuek 38.64 €.

Ikasturte hasieran, irailean, 3 AERODANCE saio eskaini ziren Agorrosinen, hala ere, horietatik 2 baino ez ziren osatu. Astearte eta ostegunetako 10:30etako saioa da osatu gabe dagoena. Gauzak horrela eta jendea interesatuta dagoela ikusirik, berriz ere taldea osatzeko deialdia luzatzen da.

Udalak eskerrak eman nahi dizkio jateko hauek gure herrira ekartzen eta berton deskargartzen lagundu zuen bolondres taldeari.

Abenduaren 17an Europak eszedente duen janariaren zati bat iritsi zen Bergarara 2013an zehar beharrean dauden herritarren artean banatu ahal izateko. Guztira 2.363 kg jateko iritsi da gurera eta hauen garraioan zein deskargan boluntario talde zabal batek hartu zuen parte.

Datorren larunbatean, abenduaren 22an, gaueko 22:30etan, Bergarako Udal Musika Bandak, Aritzeta abesbatzak, Bergarako Orkestra Sinfonikoak eta Bergarako Orfeoiak Gabonetako kontzertua eskainiko dute. Sarrerak aurrez eros daitezke Kultura Etxean eta Lazkano oinetako dendan 8 euroren truke.

EGITARAUA

BERGARAKO UDAL MUSIKA BANDA

The adventures of Baron Munchausen-Fantasia- B. Appermont

Zuzendaria: Alfredo Gz. Chirlaque

Ekitaldi ugari izango ditugu aste osoan zehar.

2012/12/19 Asteazkena

Zine-kluba: Morir de día (L.Manresa;S.Dies).

Zabalotegi aretoan, arratsaldeko 20:00etan.

Sarrera: 2 €

2012/12/21 Ostirala

Musika Eskolaren gabonetako kontzertua.

Udal pilotalekuan, arratsaldeko 18:30ean.

Sarrera: 4€ / 2€ (haurrak)

Egun honetan bertan, Bergarako Udalak herrira ongietorria emango dio JAkiunderi zeina, maila goreneko erakunde aholkulari gisa, gizartearentzat erreferentziazko foroa izateko helburuz sortu zen.

Jakiunde Zientzia, Arte eta Letren Akademiak ate irekien eguna antolatu du ostegun honetan, abenduak 20, erakunde honek Bergarako Olaso Dorrean ireki berri duen bulegoa bergararrei erakusteko, erakunde honek Bergaran ezarri berri baitu bere egoitza.

2012ko abenduaren 21tik 2013ko urtarrilarenren 21era izango da borondatezko diru-sarrera egiteko epea.

Bergarako udalerriko zergapekoei jakinarazten zaie, Merkatu eta Merkatu Txikia tasen 2012ko hirugarren hiruhileko erreziboak ordaintzeko epea, 2012ko abenduaren 21etik 2013ko otsailaren 21era izango dela.

Helbideratutako erreziboak, baimendutako finantza erakundeetan eta zergapekoak agindutako kontu korrontean zordunduko ditugu 2012ko otsailaren 21ean.

Bergarako ikastetxeetako haurrek, abestuz, kalejira egingo dute elkarrekin abenduaren 24an. Haurren segurtasunerako eta arazoak ekiditeko, ikastetxeka antolatutako kalejira bateratua prestatu da. Idazki honetan ikastetxeekin adostutako ibilbideak eta parte-hartzaileek jarraituko dituzten gidalerroak zehazten dira.

Gaia: Bergarako haur eta gurasoekin kantuz OLENTZERO BATERATUA.

Eguna: abenduak 24, astelehena.

Ordua: elkartze gunea 11:30 Frontoian.

Bergarako Udalak jakinarazten du, abenduaren 25ean eta urtarrilaren 1ean herrian ez dela urbanorik ibiliko, gabon eguna eta urte berri eguna direla eta.

Hori dela eta, eskerrak ematen zaizkizue herritarrei eta batez ere erabiltzaileei egun horietan zerbitzua ez ematea ulertuko duzuelakoan.