Bergarako Udala

Palestinaren aldeko lan uzteak eragina izango du asteazken honetara aurreikusita zegoen Karmele filmaren emanaldian.

Sarrerak itzultzeko hurrengo prozedurak eskainiko dira:

• Sarrerak interneten bidez erosi dituztenei zuzenean, automatikoki, itzuliko zaie dirua.
• Sarrerak eskudirutan erosi dituztenek, sarrerarekin Seminarixoako takilara joan beharko dute.

Zientzia eta teknologia kuantikoa ardatz, Zientzia, Teknologia eta Berrikuntza (ZTB) jardunaldiak ospatuko dira datozen asteetan Bergaran. Urriaren 29tik azaroaren 19ra, erakusketak, hitzaldiak, ikastaroak edota mahai inguruak eskainiko dira adin guztietarako.

Palestinan gertatzen ari den genozidioa salatu asmoz, Bergarako Udaleko langile asanbladak lan uzteak iragarri ditu datorren urriaren 15ean, asteazkena, Euskal Herri mailan egun horretarako aurreikusita dauden ekimen beretsuen baitan.

Lan uzteak hurrengo orduetan izango dira:
• 03:00-06:00
• 11:00-15:00
• 19:00-22:00

Ondorioz, ordu horietan gauzatuko diren lan uzteak eragina izan dezakete udal zerbitzu ezberdinetan. Datozen orduetan emango du Udalak aldaketa horien berri.

Bergarako Udalak eta aiAMA! elkarteak antolatuta, haurren garapenaren, eta hauen arauen zein mugen inguruko hitzaldia eskainiko zaie gurasoei urriaren 21ean, asteartean, 18:00etan, Seminarixoan.

Hitzaldia 0-4 urte bitarteko umeak dituzten gurasoentzat da, eta Alvaro Beñaran, pedagogo eta psikomotrizista izango da hizlaria. Saioan honako gaiak jorratuko dira:
• Haurren garapena eta arauak apurtzen dituztenean nola jokatu.
• Indarra erabiltzen duten haurren portaerak.
• Adin tarte bakoitzerako ohiko patroien azalpena.

Bergarako Udaleko Euskara Zerbitzuak hiru dirulaguntza mota emango ditu 2025-2026 ikasturtean edota 2026ko udan euskara ikasteko edota ikasketa osagarriak euskaraz egin dituztenentzako:

•    Bergarako Udal Euskaltegitik kanpo euskara ikasten duten bergararrentzako dirulaguntza. Beste euskaltegi batean edo barnetegian ikasten dutenentzako laguntza da, izan ere Bergarako euskaltegian ikasten dutenentzako laguntzak euskaltegitik bertatik ematen baitira. Bestalde, jakinarazten da HABEk ere dirulaguntza ematen duela.

Bergarako udalerriko zergapekoei jakinarazten dizuegu Zabor, Estolderia eta Uraren tasen 2025eko hirugarren hiruhileko erreziboak ordaintzeko epea, lekuak eta medioak ondokoak direla:

Epea:

•  2025eko urriaren 10etik 2025eko abenduaren 10era

Lekuak eta medioak:

- Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko ditugu 2025eko abenduaren 10ean.

Urriaren 18an 'Argitzen' prozesuaren baitan martxan jarriko den 50 herritarren taldea osatu da dagoeneko. Gutun bidez gonbidapena jaso dutenen artean, parte hartzeko baiezkoa adierazi dutenen artetik aukeratu dira 50 horiek eta taldea askotariko pertsonaz osatu da, eskualdeko argazki soziodemografikoa ateratzeko hainbat aldagai gurutzatu baitira: herria, generoa, adina eta jatorria, besteak beste.

Laboratorium Museoak urrats garrantzitsua emango du urriaren 22an, San Sebastián Moda Festivalen inaugurazio-desfilea hartuta. Gipuzkoako museo nagusien artean kokatuta —Balenciaga eta San Telmo museoekin batera—, Laboratoriumek bere lekua izango du aurten modaren eta kulturaren eszenan, bere 10. urteurrenaren testuinguruan. Urriaren 20tik 26ra bitartean ospatuko den festibalaren edizio honetan, moda, jasangarritasuna eta ekonomia zirkularra izango dira ardatz. Desfileekin batera, beauty days, mahai-inguruak eta tailer irekiak ere antolatu dira.

Bergarako Udalak Boluko mendi-mazela egonkortzeko 3. faseko proiektu aldatua aurkeztu du. Proiektu hori beharrezkoa da 2017an eta 2021ean izandako luizien ondorioz hainbat etxebizitza badaezpada hustu behar izan baitziren.