Bergarako Udala

Bergarako Udalak hautaketa prozesua jarri du martxan Eraikinetako garbiketa zerbitzuko arduraduna aldi baterako kontratatzeko eta lan poltsa osatzeko.

Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko betekizunak izango dira Batxiler-titulua edo teknikari-titulua edo baliokidea izatea.

Gorka Artola Bergarako alkatea eta Markel Azkargorta Hirigintza zinegotzia Mario Yoldirekin, Eusko Jaurlaritzako Etxebizitza Plangintzaren eta Prozesu Eragileen zuzendariarekin, bildu dira astelehen honetan Lakuan.

Bertan, Bergarako Udalak udalerria Etxebizitza Merkatuko Tentsio Eremu gisa izendatzeko egindako eskaera aurkeztu diote Etxebizitza arloko zuzendariari. Pauso hau azken hilabeteetan landu den azterketa eta plangintza baten ondorio da, eta etxebizitza eskuragarritasuna hobetzea du helburu.

Laboratorium Museoa emakume zientzialarien eta hezkuntzaren arteko topagunean bilakatu da Emakume eta Neska Zientzialarien Nazioarteko Egunean. Zientzia emakumeona ere badela aldarrikatuz, emakume zientzialari erreferenteak eman dira ezagutzera Emakume Zientzialarien IV. Lehiaketan. Genero berdintasunari buruzko gogoeta egin da museoan.

Bergarako Udalak eta Olaso Dorrea Fundazioak asteazken goizean aurkeztu dute 2026ko ‘Monzon-Ganuza, Euskal Utopikoei Saria’, eta aurtengo sariduna Miguel Castells Artetxe (Busturia, 1931) abokatua izango dela iragarri dute. Prentsaurrekoa Bergaran, Olaso Dorrean, eskaini dute Gorka Artola Bergarako alkateak eta Irati Jiménez Olaso Dorrea Fundazioko presidenteak.

Bergarako Udalak martxotik ekainera eskainiko den Emakumeentzako Jabekuntza Eskolaren egitarau berria aurkeztu du. Programak hamarnaka tailer eta solasaldi bilduko ditu, guztiak doakoak, emakumeen ahalduntzea, bizitza osasuntsua, sormena eta parte-hartze soziala sustatzeko helburuarekin.

Egitarauak diziplina ugariri heltzen die eta formatu anitzak uztartzen ditu, hala nola gorputzaren zaintza, emozioen kudeaketa, sormen jarduerak, ikasketa praktikoak eta komunitate-eztabaidak.

Bergarako Udalak hautaketa-prozesua abiarazi du Bergarako Txoko Feministaren koordinatzaile lanpostua betetzeko. Deialdia lehiaketa-oposizio bidez gauzatuko da, eta prozesua arautzen duten oinarri arautzaileak jada argitaratuta daude Udalaren webgunean.

Bergarako Udaleko Euskara Zerbitzuak antolatzen duen Koldo Eleizalde lehiaketaren 2026ko edizioa martxan jarri da. Aurten ere, Bergarako ikasleei eta herritar gazteei euskaraz sortzeko aukera zabala eskainiko zaie, lau generotan banatuta.

Parte-hartzaileek lau generotako lanak aurkeztu ahal izango dituzte:

Hilabeteko lehen ostiraletan musika eskaintza indartuko du Bergarako Udalak Seminarixoa aretoan. Otsailetik ekainera taularatuko diren lau proposamenak aurkeztu ditu Udalak; ostiral honetan, otsailaren 6an, Xak taldearen kontzertuarekin hasiko da programa. Jarraian etorriko dira Putas Amak, Ruper Ordorika eta Harria.

Gipuzkoako Aldundiak jakinarazi duenez, larunbat honetan San Blas - Buruñao inguruan basurdeen uxaketa bat egingo du Aldundiak. Gauzak horrela, goiko trenbidea itxita egongo da Goiko Rock eta San Blas auzoaren artean.

Lanak goizeko 08:00ak inguruan hasiko dira eta bi ordu inguru iraungo dute.

Bergarako Udalak martxoaren 28an ospatuko den Erramu Zapatuko Feriaren antolaketa abian jarri du, eta dagoeneko argitaratu ditu Eusko Label produktuen txosna, talo txosna eta artisautza zein elikagai postuen esleipenerako oinarri eta baldintzak.

Feria egun osoak honako kokalekuak hartuko ditu: San Martin plaza, Seminarioko patioa, Ibargarai hiribidea eta Simon Arrieta plaza, 9:30etik 14:30era.

Eusko Label produktuen txosna – Eskaerak martxoaren 4ra arte